Kriza, Barcelona varet nga Mesi
Kapiteni argjentinas i ka dhënë 3 pikë skuadrës në kampionat dhe fitore në Europë
ani që Reali i Madrid it e ka kuptuar çfarë do të thotë të luash pa Kristiano Ronaldon, është normale që tifozët në Spanjë të mund të imagjinojnë si mund të sillet Barcelona pa Leo Mesin. Numrat e tij në këtë fillimsezoni tregojnë se Leo është një lojtar vendimtar për katalanasit. Pa shkuar më larg, mjafton të krahasojmë në mënyrë hipotetike se çfarë rezultatesh do të kishte Barcelona në këtë sezon, pa pasur në fushë liderin e saj. Në 11 ndeshje që kanë luajtur katalanasit në këtë sezon, vëmendjen më të madhe e ka pasur sulmuesi dhe kapiteni i skuadrës. Futbolli nuk është matematikë, por për të treguar rëndësinë e Mesit, duhet të bëjmë disa llogari. Nëse argjentinasi nuk do të ishte në fushën e lojës në këto ndeshje, ekipi do të kishte 11 gola më pak dhe 5 asiste më pak. Në këtë mënyrë, Barcelona do të ishte e shtata në kampionatin spanjoll dhe e dyta në grupin e Ligës së Kampioneve. Barcelona po kalon një moment të vështirë dhe pa kapitenin do të ishte më keq.
Varet nga Mesi- Influencën e Mesit te Barcelona nuk e vë njeri në dyshim. Në këtë sezon ka nisur të tregojë vlerat e tij. Ka shënuar 4 gola në kampionatin spanjoll dhe ka dhënë 4 asiste. Kjo do të thotë se ai i ka dhënë skuadrës 3 pikë më shumë. Pa golat e tij, Barce-
lona do të kishte humbur ndeshjet me Gironën, Atletikon e Bilbaos dhe Valencian. Dhe pa këto 3 pikë që i ka dhënë Mesi (pa marrë parasysh që ka shënuar në ndeshje të tjera kur ekipi ka fituar), Barcelona do të ishte në vendin e 7-të. Duke qenë se ky kampionat
është shumë i ekuilibruar, kapiteni ka një rol thelbësor. E njëjta gjë edhe në Ligën e Kampioneve. Duket e çuditshme, por në fitoren 4-0 kundër PSV-së tre golat e tij “ndoshta” nuk do t’i duheshin Barcelonës për të marrë 3 pikët, sepse shënoi edhe Dembele.
Dhe Barcelona mund ta fitonte ndeshjen 1-0. Por, ndaj Totenhemit ai ishte vendimtar me dy golat e tij, sepse ndeshja do të kishte përfunduar 2-2 dhe në këtë mënyrë katalanasit nuk do ta udhëhiqnin grupin bashkë me Interin, por do të kishin 4 pikë. Por, ja që në Barcelonë
nuk i bëjnë fare këto llogari, sepse Leo Mesin e kanë rritur vetë dhe e kanë ndihmuar të bëhet një nga lojtarët më të fortë në botë ose më i miri. Ata e shijojnë në fushë dhe krenohen me golat që shënon. Sigurisht që pa të, jeta do të kishte qenë e vështirë.