Grezda: E ndëshkojmë Izraelin
E kam të vështirë të luaj në endër, roli im është sulmues krahu. herrard ndryshon nga Panuçi
Eros Greza beson te fitorja në Izrael. Sul muesi kuqezi, në prag të ndeshjes me Izraelin, është shfaqur optimist në konferencën për shtyp. Gjakovari komentoi aktivizimin si qendërsulmues në ndeshjen e fundit, teksa bëri të ditur që ky rol është i vështirë për t'u bërë nga ai.
Eros, ndaj Jordanisë luajtët si sulmues i deklaruar. Si ju duk ai rol i ri?
Po, ndaj Jordanisë trajneri kërkoi të luanim me dy sulmues. M'u duk OK, por roli im natyral është sulmues krahu, aty ndihem më mirë. Në qendër si sulmues i deklaruar unë nuk besoj se kam karakteristikat e duhura, pasi duhet forcë dhe shtatlartësi, sepse je gjithmonë me shpinë nga porta dhe duhet të jesh shumë i fuqishëm për të bërë diferencën.
Shpërdoruat shumë, i zhgënjyer?
Pozicioni im është në krah. Nuk u ndjeva mirë për rezultatin, por trajneri e di më mirë që unë do të jap maksimumin gjithmonë.
Do të ishte më mirë të kishim një fizionomi loje sesa këtë çoroditje në sulm?
Nuk varet vetëm nga trajneri, sepse kemi lojtarë të dëmtuar si Roshi e Sadiku. Ne du- het të përshtatemi me këto. Të ishin ata, do të ishte e qartë kush do të luante.
Patët një dëmtim, a jeni gati?
Do të jem gati, edhe pse kisha dhimbje pas ndeshjes. Mbrojtësi ishte pas meje dhe intensiteti i shtyrjes ishte shumë i lartë. Besoj se ishte penallti.
Ndeshja me Izraelin, çfarë prisni?
Ka kualitet dhe duhet të jemi të vëmendshëm. Do të kemi më shumë hapësira sesa kishim me Jordaninë. Jam optimist, sepse kemi një grup të mirë, për më tepër që do të rikthehen disa lojtarë që
pushuan.
Kemi zhvilluar një nga ndeshjet më të mira me Turqinë vitin e kaluar. Jemi larg asaj skuadre?
Me sa mbaj mend, nuk janë tani me Kombëtaren vetëm Roshi e Sadiku nga ai takim. Jemi në formë të mirë. Po të përsërisim atë ndeshje, do të
bëjmë mirë.
Eksperienca në Skoci si po shkon?
Kam folur me Xherrardin para se të vija këtu dhe më tha "do më thuash nëse je gati", pastaj do të vendosim nëse do të luaj si titullar. Mendoj se jam gati për ta filluar që nga minuta e parë atje.
Po punoni me emra të mëdhenj, ku ndryshon Xherrard nga Panuçi...?
Është mirë, sepse jam rritur shumë si futbollist nga Panuçi, por edhe nga Xherrard, edhe pse kam vetëm një muaj me të. Në fakt, janë dy tipa të ndryshëm nga njëri-tjetri si trajnerë. S'mund të bëj krahasime.