Kinostudio 15 gola Pogradecit, Tirana dhe Vllaznia bëjnë detyrën
Pas pushimit për arsye të grumbullimit të skuadrës kombëtare U-19, dje u rikthye kampionati kombëtar i femrave me ndeshjet e javës së tretë. Edhe në këtë javë ranë në sy fitoret me diferenca të jashtëzakonshme golash, ku Kinostudio mposhti 150 Pogradecin, ndërkohë që të gjitha skuadrat pretendente regjistruan fitoret e tyre të radhës.
Teuta - Vllaznia 0-5
Kampionet në fuqi morën një fitore të thjeshtë në transfertë në Durrës duke shpartalluar me pesë gola vendaset e Teutës. Një dopietë e Doçit dhe golat e Franjës, Atiok dhe Grudës i dhanë fitoren skuadrës shkodrane që tashmë ndodhet me pikë të plotë në renditje.
AAS - Tirana 0-3
Tirana mori fitoren e tretë në kampionat duke fituar jashtë fushe përballë Akademisë AS. Vajzat bardheblu nuk e patën aspak të vështirë për të regjistruar suksesin e radhës në kampionat ku siguruan tri pikët falë golave të Koldashit, Memës dhe Kolgjinit, ndërkohë që vendëset e kishin të vështirë t'i bënin ballë lojës së kryeqytetaseve.
Pogradeci - Kinostudio 0-15
Skuadra kryeqytetase mori një fitore me shifra të jashtëzakonshme përballë vajzave liqenorë duke shënuar plot 15 herë në portën e tyre. Një ndeshje me sens unik ku ranë në sy dy tripletat e realizuara nga Lufo dhe Xhindole.
Juban Danja - Apolonia 2-5
Skuadra fierake arriti një fitore mjaft të bukur jashtë fushe ndaj Juban Danjës. Një tripletë nga Goro dhe golat e shënuar nga Levenaj dhe Kostaj i dhanë suksesin Apolonisë, ndërkohë që vendëset barazuan momentalisht me Paula Jakun, por që nuk u mjaftoi pasi miket treguan një nivel më të lartë lojë duke dominuar në këtë sfidë.
Dajti - Termi 0- 3
Derbi kryeqytetas midis dy skuadrave jo pretendente, Dajti që ka sezonin e 4-rt që merr pjesë dhe Termi që ka debutuar këtë sezon, e luajtur në kompleksin "Olimpik" është mbyllur me fitoren e Termit 3-0 falë tripletës së Daniela Kodrës. Ka qenë një ndeshje që është luajtur pothuajse në gjysmëfushën e Dajtit, ku ka pasur raste të shumta për shënim. Ndërkohë që dhe Dajti ka mundur ta verë në provë disa herë portieren e talentuar Dajana Dizdari, që sigurisht nuk kanë problematike për këtë portiere. Kodra në të 34-ën me një gjuajtje Brenda zonës çon skuadrat në pushim me fitoren e Termit. Në fraksionin e dytë loja ka qenë edhe më e bukur, por sigurisht më ngulmuese drejt portës kanë qenë vajzat e Termit. Në 10 minutat e fundit është Danile Kodra që realizon edhe dy gola të tjerë, duke i dhënë fitoren ekipit të saj.