Panuçi: Ishim në gjumë te goli

"Dikush do të qeshë nëse sheh ndeshjen dhe më pas rezultatin, u bëmë dy dhurata"

‘ Jemi praktikisht jashtë". Kristian Panuçi ngre fl amurin e bardhë dhe pranon që vendi i parë në grup është mision i vështirë, për të mos thënë i pamundur. Duket i dorëzuar, edhe pse me fjalë thotë të kundërtën. Është krenar për ndeshjen që zhvilloi Shqipëria, por i zhgënjyer për rezultatin. Mbi të gjitha për golin e parë të pësuar në atë mënyrë qesharake. Trajneri i Kombëtares thotë se mbrojtësit ishin në gjumë në atë rast. Në intervistën e dhënë për RTSH pas humbjes me Izraelin, tekniku italian e konsideron mëkat të madh rikthimin në Tiranë me 0 pikë pas një ndeshjeje shumë të mirë. Ai e quan të jashtëzakonshme.

Kemi luajtur një ndeshje shumë të mirë dhe kishim ne zotërimin e topit 70% dhe rastet për të shënuar. Çfarë ndodhi që humbëm?

Jam shumë i zhgënjyer për djemtë, sepse kanë bërë një ndeshje të jashtëzakonshme. Krijuam lojë të mirë dhe pësuam një gol nga nisja e lojës së portierit dhe kjo është gjë shumë e rëndë. Pastaj pësuam një tip autogoli. Të kthehesh në shtëpi me humbje 2- 0 me një ndeshje të luajtur kështu, të bën të ndihesh keq.

Çfarë ndodhi me

mbrojtësit në atë moment, ndërkohë që topi vjen nga larg?

Unë u ktheva dhe pashë topin që shkonte te kundërshtari. Thjesht ishim në gjumë në atë moment, po flinim. Kërkoja përsëritje për ta kuptuar më mirë se çfarë

po ndodhte.

Izraeli udhëheq grupin dhe pastaj Skocia dhe ne me 3 pikë. Çfarë luajmë me Skocinë?

Është e vështirë që të fitojmë 3- 0 ndaj Skocisë dhe pastaj të shpresojmë që të Skocia të mundë Izraelin.

Por pastaj do të jemi me pikë të barabarta me Izraelin, por ata janë përpara sepse kanë fituar 2- 0, ndërsa ne 1- 0. Praktikisht jemi jashtë.

Domethënë jemi dorëzuar?

Jo, jo, jo. Nuk jam i dorëzuar, sepse të humbasësh në

këtë mënyrë është e vështirë. Është mëkat i madh, sepse bëmë një ndeshje me kualitet.

Një Shqipëri që luan më mirë me Lilajn sesa me Bashën?

Nuk më pëlqen që përmendim emra të përveçëm. Sot ishim një ekip i madh dhe zhvilluam një ndeshje të jashtëzakonshme. Nëse dikujt do t'i tregojmë ndeshjen që zhvilluam dhe rezultatin në fund, do të qeshë... Por në fund fiton ekipi që shënon golat në futboll. Ne bëmë 2 dhurata dhe ata shënuan.