Sirena angleze, Xhaka e Durmishaj drejt ishullit
Bomberi në formë, skautë të Blekbërnit piketojnë sulmuesin e U-21
Shqiptarët në modë. Sa herë që afron pe riudha e merkatos së transferimeve, shumë prej futbollistëve të Kombëtares përfliten për transferime të mundshme. Forma e mirë, vlera joekstremiste e lartë e kartonit dhe agresiviteti që shfaqin në fushë janë cilësi që bëjnë shumë skuadra të piketojnë futbollistë të Kombëtares shqiptare për t'i pasur nën urdhra. E teksa duhet ende disa muaj deri në merkaton e janarit, emrat e parë kanë nisur të qarkullojnë në media. Me sa duket, ishulli britanik mund të mbledhë edhe dy shqiptarë të tjerë.
TAULANT XHAKA Vëllai i vogël iu bashkua Arsenalit, ndërkohë që i madhi është "blinduar" nga Bazeli me një kontratë disavjeçare. Por, Taulant Xhaka, me gjithë dëmtimin që kaloi edhe periudhën e pauzës, ka rrëmbyer vëmendjen e Rafa Benitez. Trajneri i Njukasëll ka dhënë "OK"-in që të shihen mundësitë e transferimit të mesfushorit kuqezi. Nga sa bëhet me dije pranë mediave rreth skuadrës së Njukasëllit, vlera e kartonit e fiksuar në 3 milionë euro është një shifër që nuk tremb dhe mund të bëjë që palët të ulen në bisedime. Lajmi i bërë i ditur nga portali "Newcastletools", sipas të cilit Xhaka do ta rriste efikasitetin në mesfushë e bardhezinjtë që po luftojnë për qëndrimin në elitën e futbollit anglez, është një mundësi e artë për vetë 27-vjeçarin të tregojë vlerat e tij në futbollin anglez. Xhaka do të formonte dyshen e mesfushës së bashku me britanikun Shelvi.
FIORIN DURMISHAJ Gola, formë e mirë, "shërbim ushtarak" dhe Kombëtare. Sulmuesi i Panionios, Fiorin Durmishaj, është duke kaluar një periudhë të mirë, por disa procedura që kanë të bëjnë me shërbimin ushtarak e penguan atë që t'u bashkohej 21- vjeçarëve që drejtohen nga Alban Bushi. Së fundmi, ai ka qenë protagonist me golat e tij, duke zgjuar vëmendjen e disa klubeve. Pas Osijekut në Kroaci, për Durmishajn kanë shfaqur interes edhe anglezët e Blekbërn, të cilët e kanë ndjekur me disa skautë në ndeshjen ndaj Aristit të Selanikut. Durmishaj ka shënuar dy herë në këtë start sezoni në kampionatin grek.