Gati Malota, si ndryshon Vllaznia
Trajneri Lika do aplikojë një skemë tjetër ndaj Erzenit, pritet një ekip sulmues
enato Malota me sa duket do të ketë këtë të shtunë takimin e parë si titullar me Vllazninë në Kategorinë e Parë. Ai është rikthyer plotësisht në formën e tij optimale dhe për këtë tekniku Hasan Lika ka vendosur që ta aktivizojë nga minuta e parë. Një rikthim i tillë ka bërë që tekniku të ndryshojë për më tepër edhe mënyrën e të luajturit të skuadrës së tij. Ai është parë ta vendosë skuadrën në një skemë të re, ndryshe nga takimet e deritanishme, duke besuar jo vetëm tek aftësitë e shtatlartësia e lojtarëve të mbrojtjes, por edhe duke kërkuar më shumë në drejtim të sulmit. Nga ajo që u vu re edhe gjatë seancës së djeshme stërvitore, tekniku Lika po kërkon që të implementojë një skemë sulmuese në momentet, kur skuadra do të luajë në ofensivë dhe një skuadër më mbrojtëse, kur ajo duhet që të luajë në fazën defensive. Një skemë 34-2-1, kur skuadra do të jetë në sulm dhe një skemë 5-4-1, kur ajo do të luajë në mbrojtje.
FORMACIONI Tekniku Hasan Lika ka skicuar dje edhe formacionin që do të startojë takimin ndaj Erzenit. Në bazë të lojtarëve që do të ketë në dispozicion, trajneri do të aplikojë edhe skemat e tij. Në fazën ofensive, me sa është parë, Vllaznia
do të luajë me tre lojtarë në mbrojtje, me Malotën në qendër të saj dhe me dyshen Ignat në të djathtë e Zeqja në të majtë. Në mesin e fushës në qendër do të jetë e palëvizshme dyshja Krymi e Tafili, ndërsa në krahë do të jenë dy nga lojtarët që janë
aktivizuar në këto 5 javë të para, Gocaj nga e djathta dhe Gurishta nga e majta. Këta dy lojtarë priten të plotësojnë katërshen e mesit të fushës. Në sulm, Vllaznia do të jetë më ngacmuese. Xhunior do të jetë në majë të sulmit e ndërsa në krahë do të ketë ndihmën e
dyshes Zogaj nga e djathta e Hajdari nga e majta. Ky do të jetë formacioni dhe vendosja e lojtarëve me një skemë 3-42- 1. Deri tani, trajneri Lika kishte aplikuar skemën 4-23-1. Ndërsa nëse do të kërkohet që skuadra të luajë në mbrojtje, përkrah treshes Malota,
Ignat e Zeqja do të jenë edhe dyshja Gocaj e Gurishta, të cilët do të jenë një kartë e këtij reparti, ndërsa në mesin e fushës do të spostohet më mbrapa dyshja Zogaj e Hajdari duke lënë në majë të sulmit vetëm brazilianin Xhunior, me një skemë 5-4-1.