“Surpriza mund të jetë Lautaro”
“Pres një ndeshje të ekuilibruar, më të fortët e Milanit janë Suso e Higuain”
roma e derbit ndi het në çdo kënd të Milanos. Të dielën në 20:30 luhet Inter-Milan. Një këshillë për derbin? Mund ta japë Diego Milito: ai që “Djallin” e ka ndëshkuar 10 herë gjatë karrierës së tij, 8 herë me fanellën zikaltër. Një nga sulmuesit më të jashtëzakonshëm të futbollit italian, me 86 gola në 159 ndeshje, të ndarë mes Xhenoas dhe Interit, ka komentuar sfidën milaneze për “Corriere dello Sport”.
PARASHIKIMI - Dashuria për Interin nuk është shuar kurrë dhe derbi pritet gjithmonë me entuziazëm: “Do jetë një ndeshje e ekuilibruar. Janë sfida unike, të veçanta. Fiton përqendrimi, grinta, më shumë se klasi. Detajet bëjnë gjithmonë diferencën në rezultat. Kujtoj që golin e parë e kam shënuar në ‘ San Siro’, ndërsa mes kujtimeve më të bukura është pa dyshim fitorja 4- 0". Njeriu- derbi: “Unë shpresoj se ai që do të përcaktojë fatin e derbit të së dielës të jetë Lautaro Martinez. E njoh, është një djalë i mrekul-
lueshëm. Dhe personalisht shpresoj që Interi të fitojë, edhe pse Milani ka lojtarë fantastikë dhe mund t’i ndalë zikaltrit nëse nuk përqendrohen. Mes kuqezinjve, nëse më duhet të them më të fortët, citoj Suson dhe Higuainin”.
ITALIA, FILLESAT, MESI, MARADONA... – Milito, një “gjysmëitalian”: “Gjyshërit e mi ishin nga Kalabria e gjithmonë më tregonin për Italinë. Mbi të gjitha, gjyshja ishte shumë e lidhur me tokën e saj. Unë e kam ndier gjithmonë këtë identitet të dyfishtë. Në fakt, unë jam argjentinas dhe italian, – vijoi argjentinasi. -Nuk është vetëm një çështje familjare, por edhe idhujsh sportivë”. Milito u rrit duke ndjekur Serinë A dhe Diego Armando Maradonën. “El Pibe D’Oro” do të ishte trajneri i tij në ekipin kombëtar, në Kupën e Botës 2010: ”Futbolli
italian ishte Napoli dhe Maradona. Takoheshim të dielave në mëngjes, në lagje, për të qëndruar para televizionit duke parë Napolin e Maradonës. Ishte idhulli ynë”. Me Maradonën në stol dhe Mesin në fushë, Milito ka pasur fatin e mirë për të qenë së bashku me dy “10”-t më të mëdha në historinë e Argjentinës. “Duhet të jemi të lumtur si komb për këto dy legjenda, në kujtesë dhe në realitet. Jemi me fat, sepse kemi dy kampionët absolute në historinë e futbollit. Për fat të keq, Mesi nuk ka mundur ta fitojë Botërorin, por ka kohë sepse ende mund të luajë ende për ekipin kombëtar”.
TRAJNERËT - “Bielsa më dha shumë, – shtoi Milito, duke folur për trajnerët e tij. – Unë nuk mund të mos përmend edhe Murinjon, për të cilin po përmend një anekdotë: Vitin e parë që isha tek Interi, shkuam në ‘Marassi’ për t’u përballur me Xhenoan. Kisha ardhur nga një vit i madh në Gjenovë, ndaj për mua ishte një ndeshje e veçantë. Hera e parë që luaja keq. Në dhomën e zhveshjes, Murinjo më thotë: ‘A ndiheni sikur po luani kundër miqve tuaj? Shko në fushë, por sot nuk do të jetë ndeshje e njëjtë si të tjerat’. Unë i thashë me guxim: ‘Mister, jam i qetë, dua të luaj’. Barazuam 0-0, nuk luajtëm mirë në atë ndeshje. I kam përjetuar shumë keq ato nëntëdhjetë minuta”.