Vllaznia pa rivalë, triumf mes ankthit për Gurishtën
Hajdari mjafton, shijakasit e mbyllin me 45 veta
Marshon Vllaznia. Shkodranët nuk e njohin blofin, ndërsa kanë gjetur edhe fitoren e gjashtë radhazi për këtë sezon. Edhe pse u shfaqën cinik ndaj Erzenit, në fund të besuarit e Hasan Likës morën çka deshën. Me tri pikë të tjera, vazhdojnë të qëndrojnë në krye të renditjes me 5 pikë më shumë se Dinamoja ndjekëse. Një gol i Arsen Hajdarit ka nderuar kuqeblutë në "Reshit Rusi", të cilët vuajtën jo pak për të shkuar deri te goli.
PJESA E PARË
Ndryshe nga takimet e tjera, Vllaznia dje e ka nisur më qetë seç duhet lojën. Për minuta të tëra ka qenë zotëruese e topit, por pa krijuar rrezikshmëri për portën mike. Mundësia e parë për vendësit vjen në minutën e 14-të me anë të Malotës, që ekzekuton një goditje dënimi. Topi i harkuar prej tij mund të kthehej në gol nëse do të shfrytëzohej prej sulmuesve, por kjo gjë nuk ndodhi, edhe pse porta ishte e boshatisur pas daljes së gabuar të Vatës. 9shtë sërish mbrojtësi lezhjan protagonist në minutën e 21-të, pas një topi të marrë nga e djathta prej Gocajt, por gjuajtja e shtatlartit përfundon jashtë kuadratit. Përpjekjet e shkodranëve vazhdojnë me anë të ;huniorit, i cili gjuan në hyrje të zonës, por këtë herë mendon portieri i Erzenit që të grushtojë dhe i thotë "jo" golit në të 2<-ën. Minuta e 33-të sjell aksionin më të bukur për vendësit. Gurishta kombinon me >ogajn, ky i fundit pason në hyrje të zonës për ;huniorin, i cili gjendej në pozicion ballor, por gjuajtja e brazilianit nuk ka forcën dhe saktësinë e duhur. I vetmi kërcënim për miqtë për këtë fraksion vjen në të 43ën me anë të ;hemalajt, i cili vepron bukur në mesin e fushës, i shpëton mbulimit të dy lojtarëve vendës dhe godet nga jashtë zonës, por topi përfundon mbi traversë. Por, pjesa e parë do të mbyllej me një rast të Tafilit, i cili "luan" bukur me topin në mesfushë, por gjuajtja nuk ka forcën e duhur për të mposhtur portierin e Erzenit.
PJESA E DYTË
Në pjesën e dytë janë sërish kuqeblutë që shohin në drejtim të portës mike. Në të 58-ën Gocaj harkon në zonë për Krymin, që në planzhon e sipër godet me kokë, duke e dërguar topin mbi traversë. E megjithatë insistimi i Vllaznisë vjen në të <3-ën, kur Gurishta i jep një top të gjatë Hajdarit që gjendej në hyrje të zonës. Sulmuesi bën gjithçka mirë dhe me të majtën
nuk fal, duke zhbllokuar shifrat në 1-0. Një gol që "ngroh" shkodranët. Megjithatë, puna e Vllaznisë do të lehtësohej pas daljes me të kuqe të Kondurit, i cili dy minuta pasi zuri vendin e Marës ndëshkohet me të kuq, pas një ndërhyrjeje të gabuar ndaj Gurishtës. Vllaznia kishte rastin për të dyfishuar çerek
ore para fundit. ;hunior bën gjithçka mirë brenda zonës, driblon një nga miqtë, por kur është përballë portierit, ky i fundit i mohon golin. Dhe zyrtarisht kjo është e para ndeshje që braziliani nuk shënon dot. Mundësia e fundit për shkodranët vjen në 83-ën me anë të Eziamaka, i cili dje edhe debutoi.
Nigeriani pasi mori krahun e majtë, futet në zonë, por gjuajtja largohet mrekullisht me këmbë prej portierit mik. Ato pak minuta që kishin mbetur folën për Erzenin, që edhe pse në inferioritet numerik, ushtroi presing të vazhdueshëm, por pa mundur që të gjejë golin e barazimit.