Latif, një “hero” në Durrës: Shënoj për Teutën në Europë
Sulmuesi bëri dopietë kundër Laçit
Latif Amadu është sulmuesi i momentit në kampionatin shqiptar, pasi kryeson listën e golashënuesve me 7 gola. Dje bëri dopietë kundër Laçit në fitoren 3- 0, duke ndihmuar ekipin edhe në asistin e golit të dytë, shënuar nga Progni. Sulmuesi ganez shfaqet modest kur pyetet pas ndeshjes nga “Panorama Sport”, por gjithsesi thekson se me golat e tij ëndërron të dërgojë Teutën në Kupat e Europës në fund të sezonit.
Dy gola, një asist dhe tri pikë. Më mirë prishet apo jo? Jam shumë i lumtur, jo vetëm për golat, por pasi morëm tri pikë të rëndësishme. Tashmë kryesoni i vetëm listën e shënuesve me 7 gola...
Nuk më interesojnë golat në planin personal dhe këtë po e them me sinqeritetin më të madh. Ajo që për mua vlen është që morëm fitoren. Golat sigurisht që më pëlqejnë, por më shumë më pëlqen fakti që ne po ecim në rrugën e duhur. Doni të thoni që nuk ju intereson “Këpuca e Artë”? Synimi im është që të çoj Teutën në Europë, jo “Këpuca e Artë”.
Ndeshjen tjetër do ta luani sërish në transfertë, por këtë herë me Flamurtarin. Besoni që tashmë nuk do t’ju ndalë kush?
Do të kërkojmë sërish më të mirën. Do të japim gjithçka në fushë, që të sigurojmë fitoren. Edhe me Flamurtarin objektivi nuk do ndryshojë.
U dëmtuat pas golit të dytë apo ishte diçka e lehtë?
Asgjë shqetësuese, ishte thjesht një bllokim i momentit. V.Mema