Pogradeci kap kreun, Apolonia mbetet në krizë
Fierakët nuk bindin, vendësit bëjnë festë në dhoma
ogradeci ngjitet në krye të Grupit B për herë të parë këtë sezon. Përballë një prej pretendentëve kryesorë për vendin e parë siç është Apolonia, liqenorët fitojnë 1-0 me golin e Shkulakut në minutat e fundit. Pogradeci mund të konsiderohet një pretendente serioze për elitën, pavarësisht disa largimeve dhe faktit që nuk e ka nisur me bujë sezonin. Nga ana tjetër, fierakët nuk po funksionojnë siç duhet, duke pësuar humbjen e radhës. Si asnjëherë tjetër, vendësit janë gëzuar në dhomat e zhveshjes pas fitores, ndërkohë që trajneri Marjol Miho i Apolonisë i ka mbajtur të bashkuar të tijtë në formë rrethi për disa minuta në fushë, duke bërë edhe një minianalizë. Pavarësisht rezultatit, të dyja ekipet treguan nivel dhe cilësi në lojë. NDESHJA
Një takim që nuk ka pasur shumë histori në 15 minutat e para, ku të dyja ekipet ishin shumë të kujdesshme në çdo repart dhe nuk guxonin shumë në veprimet sulmuese. Ka qenë Sota për miqtë që godet më kokë, por jashtë kuadratit. Të njëjtën kundërpërgjigje bëjnë vendësit me anë të Berberit që gjuan me kokë, por pret portieri. Pas disa minutash, përsëri ky duel, por Arizaj me vështirësi grushton në këndore. Rasti më ideal për pogradecarët është për Ivanin që del përballë portierit mik, vepron mirë me topin duke u
pozicionuar siç duhet, por gjuajta është e gabuar. Pjesa e parë mbyllet pa gola, ndërsa e dyta nis më mirë për vendësit. Është Hidri në minutën e 48-të që pas një harkimi në zonë gjuan nga shumë afër, por mbi traversë. Shfaqet Hysenshenaj në minutën e 57-të duke gjuajtur
fort nga jashtë zone, por Mali është i saktë duke pritur në dy kohë. Më pas vijnë tri mundësi të Shkulakut, por ai tregohet pak egoist dhe i pasaktë në ekzekutim. Megjithatë, e bën korrigjimin në minutën e 83-të ku pas një topi nga e djathta e sulmit, pothuajse mbi pikën e
penalltisë, mesfushori gjuan në gjysmë lartësie dhe kalon të tijtë në avantazh. Ky gol do të ngelet në fuqi deri në fund dhe kështu liqenorët marrin një 3pikësh shumë të rëndësishëm dhe ngjiten të vetëm në krye. Ndërkaq, Apolonia nuk ka ecurinë që pritej.