Rikthimi në Barcelonë, Ikardi: Pa Leon feston... Miranda
"Kam pasur shumë oferta, por dua vetëm Interin"
Goli vendimtar në derbi i përket së kaluarës. Është koha për Champions dhe transfertën e ndërlikuar në Barcelonë. Për Mauro Ikardin do jetë një rikthim, pas eksperiencës te grupmoshat e katalanasve> "Rikthimi këtu është i veçantë, - ka shpjeguar bomberi argjentinas. - Këtu jam rritur, 'Camp Nou' është një stadium emocionues. Mund të kisha luajtur me Sampdorian disa vite më parë, për një edicion të trofeut ' Gamper', por isha i grumbulluar me kombëtaren dhe nuk luajta. Në një të ardhme me katalanasit E përsëris gjithmonë> tek Interi ndihem mirë, dua të fitoj diçka me këtë fanellë. Dëmtimi i Mesit Më vjen keq që do mungojë, të sfidosh më të mëdhenjtë është gjithmonë bukur, por e kemi këtë fat dhe do përpiqemi ta shfrytëzojmë". Me batutë, shtoi> "Jam i bindur se Miranda (duke iu drejtuar brazilianit që ishte ulur pranë kapitenit në sallën për shtyp) do jetë i lumtur (qesh)".
Çfarë kujtimesh keni nga periudha te Barcelona?
Nuk e kam menduar kurrë se çfarë do të kishte ndodhur nëse do të kisha qëndruar. Kur vendosa të largohem, e dija se do të ishte shumë e vështirë të luaja këtu me ekipin e parë. Nuk e mendova as një sekondë dhe jam shumë i lumtur për atë vendim. Por, që të kaloja përmes Barcelonës ka qenë diçka shumë e rëndësishme për karrierën time, jam rritur shumë si futbollist dhe si njeri. Më duhet vetëm të falënderoj të gjithë, sepse Barcelona më mundësoi të jem ky që jam sot.
Jeni penduar që nuk patët durim për të qëndruar te Barça?
E dija që do kishte qenë shumë e vështirë të luaja në skuadër të parë dhe kur pata mundësi të transferohem në Itali e shfrytëzova menjëherë. Nuk kam asnjë peng.
Përflitet shumë për një transferim te Reali. Tani ndiheni mirë në Milano, po sezonin që vjen?
Ofertat vijnë gjithmonë, por këtu jam kapiten dhe mund të mbroj më së miri ngjyrat e fanellës.
Çfarë mendimi keni për Vesinon, vendimtar edhe me asistin në derbi?
Për skuadrën është gjithmonë i rëndësishëm, ka sprint dhe teknikë. Edhe vitin
e kaluar na ndihmoi për kualifikimin në Champions dhe shpresoj të vazhdojë.
Një nga telekamerat e ndoqi të gjithë aksionin.
Jam i befasuar, nuk e prisja që një nga telekamerat të më fokusonte mua. Ajo video më pëlqeu dhe e publikova
në rrjetet sociale. U panë gjithë karakteristikat e mia brenda zonës dhe kjo më bën të ndihem krenar. Shënimi i një goli në derbi të dhuron gjithmonë emocione.
E keni përgatitur ndryshe ndeshjen ndaj Barçës meqenëse do përballeni me
një skuadër që nuk e keni ndeshur kurrë?
Sfida si kjo përgatiten të gjitha në të njëjtën mënyrë, i njohim vështirësitë me të cilat do përballemi në këtë fushë dhe kundër këtyre lojtarëve, por besimi ynë po rritet dhe e dimë çfarë kërkon trajneri nga ne.