Dyshime për dy gola, ja rastet që “prishën” ndeshjen
Flamurtari-Teuta u gjykua nga ndërkombëtari Eldorian Hamiti, i cili natyrshëm është paragjykuar nga vlonjatët për shkak të precedentëve të vitit të kaluar në përballjet me Kukësin. Megjithatë, kryesori i kolegjiumit të Lezhës mban përgjegjësi vetëm për faljen që i bëri Bathës, pasi në dyshimet për golin e parë të Flamurtarit dhe të dytin në kohën shtesë që u anulua, protagonist ishin anësorët Shkreta e Zalla. Vendimi, që mori ky i fundit, prodhoi shumë polemika.
25’ Gol i Flamurtarit, pas një skeme perfekte. Shënon Alvesh pas topit të marrë nga Bushiç, por portieri Hidi dhe lojtarët e Teutës kanë pretendime për pozicion jashtë loje të sulmuesit. Moment i diskutueshëm, por pamjet filmike tregojnë se në momentin që Bushiç ka pasuar tek Alvesh, ka qenë në vijë të drejtë.
33’ Latif në dyluftim me Veliun kufijtë e zonës së rreptësisë dhe rrëzohen. Durrsakët duan penallti, por Hamiti akordon vetëm goditje dënimi prej nga vjen edhe goli. Pamjet filmike dëshmojnë se sulmuesi e ka “vjedhur” faullin, pasi mbrojtësi tërheq këmbën dhe nuk krijon kontakt.
72’ Dyluftim mes Bicajt dhe Bathës, ky i fundit pasi humb topin, e godet dy herë me shkelm mbrojtësin e Teutës. Duhej karton i kuq direkt, por kryesori e fal.
82’ Batha nuk stepet as ndaj Avdylit, ndërhyn ashpër dhe dunë
het të kishte faull dhe karton të verdhë. Por, Hamiti e kursen sërish.
90+3’ Torasa shënon gol pas një topi që i kthehet nga Osmani në tentativë për ta larguar. Gjyqtari Hamiti fillimisht drejtohet me fytyra nga mesfusha për
të akorduar gol, por më pas ndryshon mendjen, duke e anuluar për prekje të topit me dorë nga Torasa. Kryesori sinjalizohet nga asistenti i dytë, Arbër Zalla, i cili kishte fushëpamjen më të qartë. Një rast shumë i dyshimtë, pasi pamjet filmike nuk janë të qarta.