Besëlidhja nis ngjitjen, Vora nuk di të fitojë
Debutuesit mbeten në fund dhe rrezikojnë shumë
esëlidhja nis ngjitjen dhe i afrohet edhe më shumë Vllaznisë që është në krye. Skuadra lezhjane po kalon një moment shumë të mirë dhe dje ka arritur fitoren e dytë radhazi në kampionat. Të besuarit e trajnerit Gledis Lani kanë fituar në Pezë ndaj Vorës me rezultatin 3-1 në një takim ku kanë dominuar dhe kanë krijuar edhe shumë raste të tjera. Besëlidhja e ngushton në shtatë pikë diferencën me Vllazninë e vendit të parë, ndërsa Vora mbetet në fund me vetëm dy pikë dhe ende nuk e ka shijuar fitoren në debutimin që po bën në Kategorinë e Parë. NDESHJA
Loja nis e shpejtë dhe janë miqtë më kërkues, duke nisur presionin. Në minutën e 22-të është Soumah që me një inkursion të bukur shmang 2- 3 mbrojtës të Vorës dhe i vetëm përballë portierit shënon, 0-1. Vorakët mundohen të reagojnë dhe tentojnë me disa goditje nga jashtë zone, por pa arritur të shënojnë. Pavarësisht rasteve, pjesa e parë mbyllet 10 për Besëlidhjen. Në pjesën e dytë, vorakët hyjnë me një motiv tjetër dhe shtojnë presionin
në sulm. Pas disa rastesh, është Nuri që barazon në minutën e 61-të. Pas një rrëmuje në zonë, topi shkon te këmbët e Nurit që e shtyn në rrjetë dhe 1-1. Por, baraspesha zgjat vetëm katër minuta. Hoxha kopjon Soumah dhe lëviz mirë në gjysmëfushën kundërshtare, duke
ndërmarrë një inkursion për rreth 30 metra, shmang lojtarët e Vorës dhe shënon i vetëm përballë portierit. Më pas, Besëlidhja e menaxhon më së miri avantazhin, ndërsa Vora sulmon me forca të shumta në kërkim të barazimit. Miqtë janë më të saktë dhe kontrollojnë siç duhet lojën. Për të vulosur rezultatin e sfidës mendon Omar Kamara. Një prej lojtarëve të Besëlidhjes shpërthen në të djathtë dhe pason për sulmuesin guineas që i vetëm nuk e ka të vështirë të shënojë golin e 3-të për Besëlidhjen. Në minutat e mbetura, Vora e humbet besimin se mund të shmangë humbjen, ndërsa lezhjanët menaxhojnë më së miri avantazhin dhe në fund marrin një 3-pikësh shumë të merituar. Besëlidhja duket se ka gjetur ritmin e duhur pas një nisje jo të mirë të kampionatit dhe dy fitoret radhazi e tregojnë këtë.