SH)B*Tirana shkatërron Elbasanin, +llaznia befason Flamurtarin
Shoqata e Klubit Tirana regjistroi fitoren e saj të radhës në kampionat, duke shkatërruar me rezultatin e thellë 116-63 skuadrën e Elbasanit. Plot 53 pikë diferencë që tregojnë qartë disnivelin ndërmjet dy ekipeve. Tirana u fut me shumë vrull në lojë, duke krijuar një epërsi të madhe që në periodën e parë, të cilën e fitoi 37-14. E vetmja periodë në të cilën miket arrijnë të rivalizojnë është perioda e dytë, por edhe aty është Tirana që triumfon me rezultatin e ngushtë 23-21, duke shkuar në pushimin mes dy pjesëve me shifrat 60-35. Dominimi i skuadrës bardheblu vijon edhe në pjesën e dytë, ku gjithçka kontrollohet prej tyre. Perioda e tretë fitohet me rezultatin 31-20 nga Tirana, ndërsa e katërta akoma më thellë, 25-8. Kështu, e gjithë sfida përfundon në favor të vajzave kryeqytetase, të cilat rimarrin vetëm pas 24 orësh sërish kreun e tabelës. Një rezultat surprizë erdhi nga qyteti i Shkodrës, atu ku Vllaznia vendëse mposhti kampionen në fuqi të Flamurtarit me rezultatin 76-62. Kjo ishte humbja e dytë për vlonjatet në këtë sezon, të cilat dy javë më parë u thyen edhe nga Shoqata e Basketbollit Tirana. Ndeshja e djeshme u dominua përgjithësisht nga ekipi vendës, i cili ishte në avantazh në pjesën më të madhe të kohës, madje duke e dërguar diferencën deri në 20 pikë. Ndërkohë, Flamurtari duket se e kishte marrë më lehtë sesa duhej këtë përballje dhe ky nënvlerësim u kushtoi rëndë. Me këtë fitore, vajzat kuqeblu të drejtuara nga Bledar Gjeçaj ngjiten në vendin e tretë në kuotën e 7 pikëve, ndërsa kampionet në fuqi të Flamurtarit zbresin në vend të katërt. (37-14, 23-21, 31-20, 25-8) SHKB.TIRANA: Toska, Zykaj,
Bujari, Popoviç, Milovanoviç/
Këlleçi, Baraj, G.Bujari, Jaçe.
Trajner: Erdal Borova
ELBASANI: Zenuni, Qosja,
Shabani, Ahmetaj, Hasa/
Skuqi, Vyshka, Latollari,
Korumi, Kuburja, Teta.
Trajnere: Elvira Xhyra
GJYQTARË: F.Malevi, K.Canaj