Interi ëndërron me “Suning”
Elita e Europës është ende larg, por familja Zhang ka një plan
Interi në çatinë e botës? Nga aspekti ekonomik, distanca për t’u rikuperuar duket si një “Everest”, duke konsideruar edhe mbi të gjitha limitet strukturale të sistemit italian. Vlen i njëjti arsyetim që prej disa kohësh po bëhet për Juventusin, i projektuar në skenën globale dhe me një ikonë si Ronaldo në “skuderi”. Zikaltrit kanë nisur ndjekjen e bardhezinjve dhe po synojnë zgjerimin jashtë kufijve, të thjeshtëzuar në këtë kuadër nga pronësia kineze, që ka hapur horizonte të pamenduara deri dy vite më parë. Në sezonin 2017-’ 18 Reali i Madridit ishte klubi me xhiron më të lartë, të barabartë me 751 milionë, duke paraprirë Barcelonën (me 693) dhe Mançester Junajtidin me 666. Këta tre kolosë synojnë brenda një pesëvjeçari miliardin. Juventusi, lider italian, që ndodhet në mënyrë stabël mes 10 të parave në Europë ndodhet në kuotën 411 milionë. Më pas, në Itali, ja Interi: sezonin e kaluar, pa kupat, regjistroi 297 milionë euro arkëtime (+ 43% në dy vite). Plani i familjes Zhang është afatgjatë, objektivi është të shfrytëzohet çdo pistë në harkun e 3-5 viteve, duke u përqendruar më së shumti në segmentin komercial dhe stadiumin.
DY LOKOMOTIVA – Në epokën e “Fair Play Financiar” të UEFA-s autofinancimi ësh-
të një detyrim. Gjithë skuadrat e mëdha të Europës po e kërkojnë, me situatën kontroverse të PSG- së dhe megasponsorizimeve nga Katari. Në terma të fuqisë shpenzuese, diferenca ekonomike e Interit nuk mundet ende të matet me elitën e Europës, sepse nga
2016-a po ecën me dy lokomotiva: nga njëri krah kontributet e aksionarit, në tjetrin rritja e xhiros së biznesit. Në dy vitet e para “Suning” pompoi në arkat zikaltër plot 474 milionë: 142 si rritje kapitali fillestar, 105 në konvertuara në kapital dhe 227 për borxhet (nga 231
në total, 4 janë rimbursuar nga Interi), nga ku 119 në sezonin 2017-’18. Ja përse nuk shqetëson borxhi i klubit: 487 milionë, por thuajse gjysma janë në detyrim të “Suning”-ut dhe 292 janë të lidhur me huanë që skadon në 2022- shin. Jo rastësisht menaxhimi po
riekuilibrohet dhe humbja e bilancit të fundit ishte më pak se 18 milionë.
“BOOM” KOMERCIAL – Prezenca e “Suning” ka qenë thelbësore për të rritur përfitimet e zikaltërve. Jo vetëm falë sponsorizimeve direkte, por edhe falë një rrjeti aleatësh të vetë grupit investitor dhe Kinës. Në këtë fushë Interi me 139 milionë, qëndron mbi Juventusin (126) e Milanin (62). Kështu familja Zhang, edhe përmes digjitalizimit, synon të rrisë 364 milionë tifozët në botë (nga të cilët 94 në Kinë e 70 në Amerikën e Jugut) dhe të ngjisë Interin në majën e Europës.