Llullaku dopietë, shënojnë edhe Bakaj me Latifin
Sulmuesi pranë akordit në Rumani, Vajushi drejt CFR Kluzh-it
Kombëtarja është në kërkim të golit, ndërkohë që në çdo ditë që kuqezinjtë zbresin në fushë, ka një sh qiptar që e gjen rrugën e rrjetës. Madje, dje, për trajnerin Panuçi ka pasur sinjale të gjithanshme. Gola me penallti, dopieta, festë me shqiponjë, kualifikime në turet e kupës apo edhe ngjitje në vendin e dytë në kampionat. Rumani, Bjellorusi apo Hungari? Kë të zgjedhësh më parë.
BJELLORUSI- Elis Bakaj ka shënuar golin e fitores që ngjit Shahtjor Soligorsk në vendin e dytë. Fantazisti vazhdon gjithmonë e më tepër të konfirmohet si një nga lojtarët më të rëndësishëm të ekipit të tij në Bjellorusi. Sulmuesi kuqezi ka gjetur rrugën e rrjetës në ndeshjen që skuadra e tij luajti dje në shtëpi përballë Vitebek. Futbollisti kuqezi shënoi golin e fitores në këtë takim, duke dyfishuar shifrat për Soligorsk në minutën e 40-të. Ribvak ishte ai që zhbllokoi shifrat 3 minuta më parë, ndërkohë që goli i Bakajt mori edhe më tepër vlerë, kur miqtë ngushtuan shifrat në minutën e 89-të. Ky ishte goli i shtatë në kampionat për Bakajn, ndërkohë që Soligorsk u ngjit në vend të dytë.
DOPIETA - Nuk ka marrë ftesë së fundmi nga Kombëtarja, por Azdren Llullaku vijon të jetë i rëndësishëm për Astran në Rumani. Ekipi i shqiptarit është kualifikuar në kupë, teksa dy prej katër golave janë festuar me shqiponjën kuqezi. Pas 8 minutave lojë, Astra ishte në disavantazh 3-0 dhe në të 14-ën, kur dukej e pamundur të përmbysej, në minutën e 14-të ishte Llullaku që shënoi me një penallti. Më pas, 10 minuta më vonë, autogoli i Kordos e çoi në 3-2. Bomberi kuqezi nuk u ndal me kaq dhe në të 76-ën, shqiptari plotësoi dopietën personale, duke barazuar gjithçka në 3-3 dhe ndeshja shkoi në kohën shtesë. Sigurisht, festë me shqiponjë. Më tej, një autogol ka kualifikuar Astrën.
HUNGARI - Teksa u luajt raundi i 1/32-ave në Kupë, Pushkash Akademi fitoi në transfertë me shifrat 0-2 ndaj Dunaujavrosh, ekip i Kategorisë së Tretë, duke u kualifikuar kështu për në raundin tjetër. Në këtë takim, Liridon Latifi dha sinjalin e parë që në të pestën minutë, duke shënuar. Mesfushori kuqezi, pasi u shërbye saktë nga një prej shokëve të skuadrës nuk gaboi i vetëm me portierin. Ish-futbollisti i Skënderbeut kishte edhe një shans tjetër të mirë për të shënuar në pjesën e parë, por goditja e tij përfundoi mbi traun e portës. Latifi nuk shënonte që prej 25 gushtit.
MERKATO - Mungesa e minutave tek Atalanta ka bërë që Berat Gjimshiti të meditojë largimin. Për mbrojtësin e Kombëtares në Itali raportojnë për interes të Frozinones. Ndërkohë, nga Zvicra bëhet me dije për një tratativë të avancuar mes skuadrës së Dinamos së Bukureshtit me mbrojtësin Naser Aliji. Gjithashtu, Armando Vajushi shihet pranë kalimit të CFR Kluj në Rumani.
KOSOVË