Fiton Napoli, Alegri: Nuk e falim Kaljarin
Në hampions duhet durim, ne jemi mes kandidatëve të parë
Rreziku është shumë i qartë në mendjen e Masimiliano Alegrit. Juventusi nuk duhet të shkëpusë spinën, sepse nëntë fitore dhe një barazim në 10 ndeshje janë një seri e lakmueshme, por skuadrat prapa nuk po e ndalin ritmin. Interi paguan pikët e humbura kundër Parmës e Torinos, Napoli humbi sfidën direkte: këtu qëndron e gjithë diferenca. Nuk është e lehtë t'i fitosh të gjitha ndeshjet, edhe sepse të gjithë e kanë ëndërr të marrin pikë kundër nesh. Këtë vit po krijojmë më shumë krahasuar me atë të kaluarin, por kemi ulur përqindjen e realizimeve. Na mungojnë edhe golat nga goditjet standarde: kemi shënuar vetëm një me Kievon, nesër përmirësojmë statistikën".
QORTIME - Në këtë rënie të efikasitetit hyn edhe tema edhe goditjeve të dënimit: deri tani i ka marrë përsipër thuajse të gjitha Ronaldo, me rezultate aspak brilante. "Ndarja është e qartë, - pranon Alegri, - nga larg i godet Kristiano, kur faulli është më pranë i takon Dibalës ose Pjaniçit në varësi të krahut: Kristiano është një djalosh inteligjent dhe pranon pa probleme. Po fitojmë pak faulle pranë zonës kundërshtare në pozicion qendror. Gjithashtu, pësojmë edhe shumë gola: 7 deri tani në perspektivë do të thotë 28 deri në fund të fundit: me 28 gola rrezikon të hedhësh poshtë gjithë punën e sezonit. Sepse me 30 të pësuar titulli nuk fitohet".
FORMACIONI - "Nesër (sot) do mbeten jashtë Kielini e Bernardeski, rikthehen Khedira e Manxukiç, por do më duhet të mendoj si t'i luaj, duke konsideruar formën pas dëmtimeve. Nevojitet qetësi dhe ekuilibër, po pësojmë shumë sepse drejtohemi nga entuziazmi i tepërt: kjo vlen për Bernardeskin, Ruganin e të gjithë të rinjtë". Mbrojtja do ndërtohet nga Shezni, Kanselo, Bonuçi, Benatia e me shumë mundësi De Shiljo. Në mes të sigurt
Pjaniç e Matuidi; Kristiano gjithashtu titullar drejt 1000 minutave radhazi në fushë. Balotazh mes Bentankurit e Kuadrados dhe mes Dibalës e Manxukiçit. Ndërsa Duglas Kosta "qëndroi jashtë dy muaj, por tani është në formë dhe gati të luajë".
CHAMPIONS - Në fund, Alegri pranon se ka mbetur i lumtur nga komplimentet e Xhianluka Vialit (që, në intervistën për "Gazzetta dello Sport", ka zgjedhur Juventusin si skuadrën më të fortë të Champions-it), por saktëson: "Jam realist dhe objektiv,
nuk besoj te besëtytnitë. Sipas mendimit tim modest, Barcelona është favoritja numër një, ne jemi mes 4 kandidatëve më të fortë, megjithatë duhet durim. Ndërkaq, të përpiqemi të sigurojmë grupin të mërkurën me Mançester Junajtidin".