Bajern, rishfaqen fantazmat e krizës, ikën Dortmundi
Goli i Gnabrit zhvlerësohet nga Holer 1 minutë nga fundi
Bajerni zhgënjen sër ish, këtë herë ndaj një skuadre modeste si Fraiburgu, e cila arrin të barazojë në minutën e 89-të një ndeshje që dukej se do të përfundonte në favor të bavarezëve. Skuadra e Niko Kovaçit nuk zhvilloi një ndeshje të mirë, duke i lënë shumë hapësira kundërshtarit, i cili në fund diti të shfrytëzojë tërheqjen prapa të lojtarëve bavarezë. Bajerni tani ndodhet katër pikë prapa Dortmundit, e cila arriti të fitonte në fushën e vështirë të Volfsburgut me rezultatin 0-1.
PJESA E PARË
Ndeshja nis me një ritëm të ulët, me dy skuadrat që nuk rrezikojnë në 10 minutat e para. Bajerni shfaqet rrezikshëm më pas me anë të Hames Rodrigez. Rasti i parë i mirë për skuadrën kampione të Gjermanisë vjen në minutën e 26-të, kur Robert Levandovski ndalet nga portieri mik pas një gjuajtje nga fare pranë të polakut, i cili ishte i vetëm me portierin. Arjen Roben në të 35- ën ka një mundësi tjetër, por gjuajtja e tij ndalet sërish nga portieri Shvolov, i cili bën mrekullinë. Serge Gnabri tenton portën mike gjashtë minuta para se të përfundojë pjesa e parë, por topi i goditur prej tij bllokohet nga mbrojtja vendëse. Pjesa e parë përfundon 0-0 nën vërshëllimat e tifozëve vendës, të cilët prisnin më shumë nga skuadra e tyre.
PJESA E DYTË
Pjesa e dytë nis më mirë për skuadrën e Fraiburgut, e cila gjen rrugën e rrjetës në minutën e 54- t, por goli i shënuar nga Klaindinst vlerësohet i parregullt nga asistenti i Feliks Zvajer, që sinjalizon për pozicion jashtë lojë. Në minutën e 58-të, skuadra e Bajernit pretendon për penallti, arbitri Feliks Zvajer pasi konsultohet me VAR shkon të shikojë rastin personalisht dhe më pas vlerëson situatën si të rregullt, duke mos akorduar për penallti. Në minutën e 64-t është Renato Sançez që tenton nga jashtë zone, por topi i tij kalon mbi traun e portës së mbrojtur nga Shvolov. Bajerni rrit presionin dhe në minutën e 80-të vjen edhe goli i avantazhit me anë të Serge Gnabrit. Sulmuesi gjuan një predhë në brendësi të zonës duke mos i dhënë asnjë mundësi portierit mik. 1-0 për bavarezët, të cilët arrijnë
të zhbllokojnë rezultatin. Por Fraiburg nuk dorëzohet dhe hidhet në sulm për të tentuar barazimin. Goli nuk vonon dhe në minutën e 89- të Holer shfrytëzon saktë një kros nga Gynter, duke dërguar topin në krahun e djathtë të
portës së mbrojtur nga Manuel Nojer, 1-1. 5 minutat shtesë nuk u shërbejnë kampionëve, të cilët duhet të pranojnë këtë barazim zhgënjyes në fushën e tyre, duke parë Borusian të arratiset sërish në vendin e parë të klasifikimit.