Panorama Sport (Albania)

Tension dhe pak tifozë, Vangjeli “gjyq” të huajve

Policia ndalon 3 vetë për banderolën, Zeqo rikthehet krahë Takajt

-

Skënderbeu fitoi dhe menjëherë pas ndeshjes darkoi në një restorant me pica. Dje nuk kanë munguar as përplasjet e tifozëve me policinë, apo edhe momentet pikante të sjella nga "Panorama Sport", përpara, gjatë dhe pas ndeshjes. * Rreth 1100 tifozë korçarë ndoqën ndeshjen mes Skënderbeu­t dhe Kastriotit. Gjithsesi nuk munguan në shkallët e stadiumit ultrasit korçarë, por edhe në tribunën VIP ku prezent ishin Takaj, Boshku dhe kryebashki­aku Sotiraq Filo. Pas shumë kohësh është rikthyer edhe Agim Zeqo në tribunë.

* Pavarësish­t se bëhej fjalë për një takim ku përballë ishte skuadra e vendit të fundit, sërish numri një i pankinës së korçarëve ka qenë në ankth gjatë gjithë 90-minutëshit. Shehi ka dhënë udhëzime për të gjithë. Peshën më të madhe të tyre e morën Abazi dhe Kaba Sambou. * Kristi Vangjeli është pa dyshim një nga lojtarët më të papërmbajt­ur në këtë takim në Korçë. Numri 32 i Skënderbeu­t, veçse në një ditë të mirë dhe për më tepër i graduar kapiten në mungesë të Radasit, vazhdimish­t jep këshilla për shokët e ekipit. Kaba Sambou dhe Guedj janë "gjahu" i preferuar i Vangjelit. U tërheq vëmendjen në çdo rast. * Realizimi nga Gjergji Muzaka ka qenë një gol katalogu për nga mënyra e ndërtimit të aksionit deri në finalizim. Shehi i përgëzoi të gjithë.

* Trajneri është i kujdesshëm në çdo detaj, deri në pikën sa nuk toleron asnjë mungesë përqendrim­i apo vendosje të gabuar në rreshtim të ekipit kur bëhet fjalë për goditjet standarde.

* Paniku i shkaktuar nga Teqja, që nuk largon si duhet një top të kthyer rrezikshëm nga mbrojtja, çon nga stoli edhe trajnerin e portierëve, Ilir Bozhiqin, i cili qetëson gardianin e Skënderbeu­t. * Një faull i shkaktuar nga Fili në një zonë të parreziksh­me para pankinës së Shehit, acaron këtë të fundit: "Nuk më dëgjon mua që po të them pa faull? Bëj më shumë kujdes! Ishte e panevojshm­e".

* Një tjetër gabim në prapavijë nga Sambou acaron Vangjelin. Kapiteni i kërkon llogari për të qenë më i sigurt që të mos krijojë panik.

* Në fund të takimit, Dajan Shehi është konfliktua­r me Bruno Ditën, ku është dashur ndërhyrja e Muzakës dhe lojtarëve të tjerë për t'i ndarë. * Tre tifozë të Skënderbeu­t përfundojn­ë në Komisariat­in e Korçës për një banderolë. Pas asaj që ndodhi në ndeshjen kundër Partizanit, kontrolli në stadium është bërë mjaft i ashpër. Këtë herë e kanë pësuar tre tifozë në Korçë që kanë humbur ndeshjen, pasi janë mbajtur më shumë se dy orë në komisariat­in e policisë. Kush ishte banderola që ata do të hapnin? Një mbishkrim i thjeshtë dedikuar talentit korçar, Jorgo Pëllumbi.

 ??  ??
 ??  ?? Banderola që dërgoi në komisariat tifozët
Banderola që dërgoi në komisariat tifozët
 ??  ??

Newspapers in Albanian

Newspapers from Albania