Ezeni ruan kreun, Vllaznia përmbys Tiranën
Kuqeblutë, e vetmja skuadër pa asnjë humbje
Dje u zhvilluan ndeshjet e javës së gjashtë në kampionatin kombëtar të volejbollit për meshkuj. Kryesuesit e Erzenit fituan në kryeqytet ndaj Farkës, duke e thelluar në 3 pikë diferencën me ndjekësit. Një fitore mjaft të bukur me përmbysje arriti Vllaznia ndaj Tiranës, ndërkohë që kjo javë ishte e suksesshme edhe për Skënderbeun dhe Partizanin. FARKA - ERZENI Kampionët në fuqi morën suksesin e radhës në kampionat, duke mposhtur jashtë fushe Farkën dhe rikonfirmohen në krye të renditjes. Shijakasit po kalojnë vërtet një periudhë të mirë dhe kjo u pa qartë edhe në ndeshjen e zhvilluar dje në Tiranë, ndaj Farkës ishin dominues dhe morën një triumf të pastër 30. Në të tria setet diferenca në parket ndërmjet dy skuadrave ishte e madhe, ku farka me lojtarë të rinj në moshë e kishte të vështirë t'i përgjigjej kualitetit të lartë të miqve, të cilët e fituan pastër 3-0 (2515, 25-18, 25-18).
TIRANA - VLLAZNIA Kryendeshja e javës së gjashtë në volejbollin e meshkujve ishte ajo ndërmjet Tiranës dhe Vllaznisë. Një sfidë që dhuroi shumë emocione për të pranishmit në sallën sportive "Farie Hoti". Miqtë nga Shkodra ia dolën të marrin fitoren e tyre të pestë në kampionat, pasi fituan me përmbysje ndaj bardhebluve të Ilia Kojës. Takimi nisi furishëm për Tiranën që në dy setet e para dominoi totalisht ndaj kuqebebluve, duke i fituar këto sete me rezultat të thellë (25-11 të parin dhe 25-13 të dytin). Por, Vllaznia zgjohet në setin e tretë dhe arrin të fitojë 25-19. Nga fitimi i këtij seti, miqtë marrin
zemër, ndërkohë që Tirana nis të shfaqë pasiguri në lojë, dhe janë sërish shkodranët që ia dalin me sukses në setin e katërt pas një rivaliteti të lartë, duke fituar 25-23 dhe duke vendosur baraspeshën. Në setin final të takimit, kuqeblutë janë dukshëm me moral më të lartë dhe kjo shihet edhe në parket, ku arrijnë të tregohen
më të qartë dhe fitojnë 15-9, duke e mbyllur të gjithë ndeshjen me rezultatin 3-2. Vllaznia vijon të mos njohë humbje në këtë sezon dhe me fitoren e arritur në kryeqytet regjistroi triumfin e pestë, duke u ngjitur në kuotën e 13 pikëve.
TEUTA - PARTIZANI Skuadra e Ylli Tomorrit
(në ndeshjen e djeshme u drejtua nga zëvendësi Elton Tukseferi) rikthehet te fitorja dhe këtë gjë e bën me një lojë bindëse dhe me një rezultat të pastër 3-0 ndaj Teutës së vendit të fundit. Nënkampionët e Shqipërisë e kontrolluan të gjithë ndeshjen dhe nuk e patën aspak të vështirë fitoren ndaj bregdetarëve, të
cilët ende s'kanë fituar asnjë set në ketë sezon.
Skënderbeu - Studenti. Një tjetër ekip që po bën një paraqitje mjaft të mirë në këtë fillim kampionati është Skënderbeu. Korçarët fituan dje me përmbysje 3-1 ndaj Studentit. Takimi nisi mirë për miqtë që luajnë më mirë në setin e parë dhe fitojnë me shifrat
25-16. Por, vetëm kaq, pasi vendësit reagojnë dhe barazojnë setet, duke fituar në të dytin 25-15. Seti i tretë është emocionues, por pas pikëve shtesë është sërish Skënderbeu që triumfon 27-25. Edhe seti i katërt është më i mirë për ekipin korçar që triumfon 2519 dhe e mbyll të gjithë sfidën me rezultatin 3-1.