Tirana, Apolonia dhe Kinostudio, pa mëshirë ndaj rivaleve
Futboll femra/ Lumë golash në javën e katërt
Dje u zhvilluan 4 takime të vlefshme për javën e katërt të kampionatit kombëtar në futbollin e femrave. Në këto sfida nuk pati asnjë surprizë, ku ekipet që shikoheshin si favorite si Tirana, Kinostudio, Apolonia dhe AAS, nuk gabuan duke marrë respektivisht fitore ndaj kundërshtarëve të tyre. Ndërkohë, edhe në këtë javë nuk munguan fitoret me goleada dhe me rezultate 2-shifrore. Ndeshjet e sotme, VllazniaJuban Danja dhe Bilishti-Termi do të mbyllin javën e katërt.
Tirana - Teuta 9-0.
Tirana nuk fal as në këtë javë dhe arrin të marrë një tjetër fitore me goleadë, ndaj Teutës. Vajzat bardheblu dominuan në çdo aspekt, duke regjistruar fitoren e katërt në kampionat. Begallo me një tripletë, Mici me një dopietë dhe Koldashi, Lamo e Selja ishin autoret e golave për Tiranën.
Kinostudio - Dajti 7-1. Kinostudio triumfoi në derbin e kryeqytetit ndaj Dajtit dhe vijon ecurinë pozitive në kampionat me pikë të plota. 2 gola nga Lulaj dhe nga 1 gol i shënuar nga Lufo, Hazisllari, Muça, Jova dhe Vishkulli i dhanë suksesin Kinostudios. Ndërsa për Dajtin, golin e nderit e realizoi Kuka. Apolonia - Pogradeci 13-0. Fieraket e futbollit femëror kanë shpartalluar 13- 0 vajzat e Pogradecit, në një ndeshje ku rezultati mund të ishte shumë më i thellë. Pjesën e parë Apolonia është treguar paksa e kursyer, duke shënuar vetëm 3 gola, ndërsa pjesën e dytë shpërthejnë me 9 finalizime të tjera. Vlen për t'u përmendur "pokeri" i Levenajt dhe "manita" për Kejsi Goron, kryeshënuesen e kësaj skuadre.
Maliqi - AAS 0-3.
Skuadra shkodrane AAS mori një fitore të bukur në transfertë nda Maliqit. Sufaj në të 15-ën i hapi rrugë suksesit të ekipit mik. Ndërkohë që Tukaj, me një dopietë në pjesën e dytë, vulosi fitoren e AAS.
A.Dushku/B.Rama/I.Merolli GOLAT: Lufo 7', Lulaj 14' 28', Xhebrahimi 16', Muça 32', Jova 76', Vishkulli 80' / Kuka 22'
KINOSTUDIO: Noka, Kasa, Hoda, Baftija, Jova, Muça, Rizallari (Gjoni 60'), Muça, Lulaj, Xhindole, Lufo (Çanga 24'), Xhebrahimi (Nela 20'). Trajner: G.Xhebrahimi.
Dajti: Fera, Gjoni, Rexhepi, Çikollari (Sula 65'), Koromani, Molla, Xhaferri (Shehaj 68'), Kuka, Kaca (Braho 57'), Xhabafti. Trajner: K.Gjonpalaj. GJYQTARË: A. Gjeçi, E. Kume, A. Balliçi, K. Gega (Tiranë) DELEGATE: Evja Kumrija (Tiranë)