NOTAT INTER
HANDANOVIÇ 6- Një pakujdesi për pak nuk i kushton shtrenjtë në momentin kur De Vraj i kthen topin. Për pjesën tjetër, relaks total. D’AMBROZIO 6- Shtyn shumë pak në sulm, por mbrapa është i vëmendshëm. E mbron mirë krahun pa vuajtur kurrë.
DE VRAJ 7- Vetëm një gabim në të gjithë ndeshjen. I zoti për të lexuar kundërshtarët dhe për të bërë lëvizjet mbrojtëse. Shpërdoron një gol. Mbrojtës i madh. SHKRINJAR 7- Perfekt. Mbron në mënyrë spektakolare sulmuesin e Xhenoas Kuame, si të ishte një prind që nxjerr për shëtitje fëmijën. Tjetër mbrojtës kalibri. DALBERT 6,5- Nuk rrezikon asgjë, madje provon që të jetë i dukshëm edhe në sulm. Ndeshje në lartësinë e duhur.
BROZOVIÇ 7- Në organizimin e lojës është i pakrahasueshëm. Luan me prekjen e parë, nis aksione, vertikalizon. Tifozët i rezervojnë me të drejtë një duartrokitje të gjatë në momentin e zëvendësimit. (Nga 86’ Naingolan 6,5- Pak minuta mjaftojnë për një gol). GALJARDINI 7,5- Gjen golin që i kishte munguar nga marsi i vitit 2017, pastaj firmos dopietën e parë në Serinë A. Vendimtar, luftarak, i vendosur. Ndeshje e mirë, jo vetëm për 2 golat. POLITANO 7- Brilant, i shpejtë, konkret. Një nga më të mirët e Interit. E nis mjaft mirë, gjen golin dhe krijon raste. Largohet pasi ndeshja ishte 3-0 për të fituar energjitë për Barcelonën. (Nga 58’ Keita 6,5- Futet mirë në ndeshje, merret vesh mirë me Zhoao Marion).
ZHOAO MARIO 7,5- Shikojeni mirë, sepse po rritet dhe po gjen besimin. Protagonist në dy golat e parë të Interit, i vendosur mes mesfushës dhe sulmit. Pastaj një gol dhe tjetër asist në fund. PERISIÇ 6- Kroson shpesh dhe i afrohet golit. Nuk është ai që njohim, por sigurisht që nuk zhgënjen. (Nga 80’ Valero- Pa notë). LAUTARO MARTINEZ 6,5- Jep shpirtin në fushë dhe lufton për çdo top. Ndonjëherë gabon, por përgjigjet prezent kur duhet. TRAJNERI SPALETI 7,5Skuadra luan mirë, argëtohet dhe nuk rrezikon kurrë.