Siti godet me breshëri, nuk gabon as Çelsi

Dopieta e spanjollit ndihmon blutë të fitojnë derbin me Palasin, vijon rekordi i Sarrit

Brutal, i pakal ueshëm, spekta kolar. Fitorja 6-1 e Mançester Sitit ndaj Sauthemptonit çliron fantazinë, ndërsa Çelsi i Sarrit i përgjigjet me fitoren ndaj Kristal Palasit. Kampionët e shohin veten në avantazh 3-0 pas 18 minutash dhe prej atëherë mund të argëtohet. Ings transformon një penallti ( e pengoi Edersoni në zonë), por në pjesën e dytë “shenjtorët” pësojnë edhe 3 gola të tjerë dhe tani “qytetarët” renditen të vetëm në krye me një diferencë golash + 29. Një protagonist absolut i pasdites ishte Rahim Sterling. Talenti i rritur një hap larg “Wembley”- t dhe shumë pranë firmës së rinovimit që do ta bëjë anglezin më të paguar, firmos një dopietë (në shtesën e pjesës së parë dhe 67’), humbet rastin e golit të tij të tretë dhe dhuron asistet për golat e Agueros ( 12’) dhe Sanesë në shtesë. Plotësojnë kuadrin autogoli i Hoed që në 6’ dhe prekja magjike e David Silvës në 18’. Historik goli i Agueros: i 150-ti në Premier dhe sinjali i radhës që kjo skuadër është kanibale. Në sfond polemika që kishte protagonist ish- legjendën e Junajtid, Geri Nevil, që akuzon Sitin se përdor sistematikisht faullin taktik. Guardiola replikoi duke përdorur 10 herë fjalën “Kurrë” për të thënë se nuk ia ka kërkuar kurrë një gjë të tillë lojtarëve të tij.

MORATA - Buzëqesh edhe Sarri, sepse Morata është zhbllokuar. Spanjolli tërheq blutë me dopietën ndaj Palasit në fitoren 3-1, që u lejon londinezëve të arrijnë Liverpulin në vend të dytë. Sulmuesi shënoi pas gjysmë ore

dhe sërish në 65’ pas barazimit momental të Taunsend. Pedro mbylli gjithçka në 70’. Fitorja e tetë për Sarrin, që akoma nuk ndien shijen e humbjes në Premier Ligë dhe barazon rekordin e Frenk Klark (Notingem Forest, 1994) 11 ndeshjet e para pa humbje.