Zbardhen skenarët për kualifikim, kualifikim, Ikardi Ikardi dhe Mesi duan hakmarrje
Trajneri: Duam të luajmë futboll, jo të çojmë mesazhe politike
Në fund fitoi kujde si dhe dëshira për të qenë i përqendruar vetëm tek impenjimi i futbollistit pa dashur të ushqehen polemikat apo përcilleshin mesazhe politike. Për këtë motiv, Liverpuli vendosi që të mos e grumbullojë Xherdan Shaqirin për transfertën e sotme të Beogradit kundër Cërvena Zvezdës për t'i kursyer djaloshit nga Kosova fyerjet dhe vërshëllimat e koreve të tifozëve serbë, të irrituar edhe sepse gjatë Botërorit, golin që eliminoi Serbinë, 27-vjeçari e festoi duke bërë shqiponjën, së bashku me Granit Xhakën, autorin e golit të parë. Mesfushori nga Gjilani kërcënohej që të ishte në qendër të vëmendjes së tifozëve serbë sot në "Marakana" dhe trajneri Jyrgen Klop e pa të arsyeshme për të mos e grumbulluar.
KLOP - "Është një situatë ku ne do të shkojmë në qytetin fantastik të Beogradit si skuadër futbolli për të luajtur futboll. Kemi dëgjuar dhe lexuar spekulimet që flasin për llojin e pritjes që pret Shaq dhe pavarësisht se nuk ia kemi idenë se çfarë mund të ndodhte, ne duam që të jemi 100 për qind të përqendruar në futboll dhe nuk duam të mendojmë për asgjë tjetër. Kaq është e gjitha. Ne jemi Liverpuli, një klub i madh, një skuadër futbolli, por nuk kemi asnjë mesazh tjetër përtej kësaj. Nuk kemi mesazh politik, absolutisht jo. Duam të jemi të përqendruar për të bërë një ndeshje të shkëlqyer futbolli, pa asgjë tjetër. Duam të jemi të respektueshëm dhe të shmangim çdolloj shpërqendrimi që do ta largonte vë-
mendjen nga 90 apo më shumë minutat e ndeshjes. Kështu që për këtë arsye, Shaq nuk është grumbulluar dhe ai e pranon dhe kupton këtë. Shaq është një lojtari ynë, e duam shumë dhe ai do të luajë shumë herë të tjera për ne, por jo të martën", thuhej në deklaratën e Klopit përpara nisjes drejt Beogradit.
SKUADRA - Pa Shaqirin, por edhe pa kapitenin Xhordan Henderson në transfertën
e sotme, i cili vijon riaftësimin e tij pas një problemi muskulor. Lajmi i mirë është rikthimi në dispozicion të skuadrës pas dëmtimeve të Nabi Keitasë dhe Dejan Lovrenit. Liverpuli kryeson Grupin C me 6 pikë pas tri ndeshjesh, përpara Napolit të vendit të dytë (një pikë më pak), ndërsa Cërvena Zvezda renditet e fundit, me vetëm një pikë pas tri ndeshjeve të para.