Dënimi është në ajër...
Kodi i Drejtësisë Sportive është i qartë! Në nenin 65 të tij, Kodi parashikon gjobë për klubin, si dhe një ndeshje pa tifozë për dështim në përmbushe të sigurisë. Gjithsesi, rrezikshmëria e ngjarjes mund të vendosë që dënimi të jetë ekzemplar, pasi pika 4 e nenit në fjalë dhe nenit 66-të i jep mundësi Disiplinës të ndëshkojë shumë ashpër tifozët bardheblu, dhe klubin.
Neni 65
1. Personat juridikë, shoqatat dhe klubet që dështojnë në përmbushjen e detyrimeve dhe përgjegjësive të tyre në përputhje me Nenin 65 do të dënohen me gjobë.
2. Në rastet e shkeljeve të rënda mund të ndërmerren dënime të tjera, si zhvillim i ndeshjes pa spektatorë, zhvillimi i ndeshjes në fushë asnjanëse, ndalimi i zhvillimit të ndeshjes në stadiumin përkatës, anulimi i rezultatit të ndeshjes, përjashtimi nga një garë ose kampionat dhe/ose humbje e ndeshjes në tavolinë. 3. Personat juridikë, shoqatat dhe klubet që organizojnë ndeshjet zyrtare si fusha pritëse do të dënohen si më poshtë: 37 Kodi i Disiplinës Sportive a) në rastin e hyrjes brenda pjesës së rrethuar të fushës së lojës të ndonjë personi, pa shkaktuar akte të dhunës ose ndërprerje të lojës, ekipi përgjegjës për sigurinë në stadium do të penalizohet me zhvillimin e 1 (një) ndeshjeje pa spektatorë. b) në rastin e hyrjes brenda pjesës së rrethuar të fushës së lojës të ndonjë personi, duke shkaktuar akte të dhunës ndaj lojtarëve në fushë dhe/ose zyrtarëve të ndeshjes dhe/ose ndërprerje të lojës, ekipi përgjegjës për sigurinë në stadium, ose ekipi përgjegjës për aktet e kryera, do të penalizohet me humbjen e ndeshjes në tavolinë me rezultatin 3-0, si dhe zhvillimin e të paktën 4 ndeshjeve pa spektatorë.
4. Organi gjykues ka të drejtë të vendosë dënime edhe nëse nuk është verifikuar ndonjë shkelje e përcaktimeve këtu në këtë kod, por thjesht për çështje të mospërmbushjes së standardeve të sigurisë.
Neni 66
1. Personat juridikë, shoqatat dhe/ose klubet mikpritëse të ndeshjeve janë përgjegjëse për sjelljen e gabuar të spektatorëve, pavarësisht se faji mund të kryhet me vetëdije apo pa vetëdije dhe si rrjedhim dënohen me gjobë në çdo rast. Mund të vendosen edhe dënime të tjera në rastin e verifikimit të ngjarjeve të rënda.