Flamurtari del huq, Luftëtari “përton” të japë rrogat
Shkurtaj “dënon” gjirokastritët, shpërdoron dy raste të arta
Flamurtari dhe Luftë tari ngecin në një bara zim në Vlorë. Ishin 90 minuta ku të dyja skuadrat i patën shanset për të fituar, por sulmuesit gabuan para portës. Pritej që vlonjatët të ishin më agresivë, duke përfituar nga momenti i mirë që po kalojnë, por në fushë ndodhi e kundërta. Në pjesën e parë, gjirokastritët vendosën seriozisht në vështirësi skuadrën e Dajës, madje iu afruan disa herë golit me Shkurtajn, ndërsa në 45 minutat e fundit dominoi Flamurtari, edhe pse në fund mund ta kishte pësuar. Tomislav Bushiç ishte në një ditë jo të mirë dhe mbi të gjitha u ndje mungesa e Danilo Alvesh, i cili nuk ishte grumbulluar për shkak të një dëmtimi në stërvitje.
PJESA E PARË - Daja kishte hedhur nga minuta e parë një skuadër sulmuese, e rreshtuar 4-3-3. Nga ana tjetër, Gentjan Mezani, që rikthehej si ish në Vlorë, i besonte variantit 42-3-1. Që në minutën e dytë, Luftëtari rrezikon me anë të serbit Milosavljev, të cilit i vjen një “dhuratë” nga Kotobelli. Ritmi i lojës është i kënaqshëm dhe menjëherë shënohet një rast për moviolë, që mund të sillte një takim krejtësisht ndryshe nëse arbitrat me në krye Feratajn do të vendosin drejt. Flamurtari pretendoi një penallti, teksa pamjet filmike tregojnë se mbrojtësi i Luftëtarit, Rustem Hoxha, preku topin që po shkonte në rrjetë me dorën e majtë. Pas këtij momenti është Luftëtari që dikton në fushë dhe përmes një kundërsulmi të shpejtë mund dhe duhet të kishte shënuar me Shkurtajn, që nga vetëm pesë metra larg portës i befason të gjithë me goditjen mbi tra. Më pas është sërish sulmuesi vlonjat i Luftëtarit që bëhet protagonist me dy goditje nga jashtë zonës, por Koliçi nuk lejon prekjen e rrjetës. Pjesa e parë mbyllet me një goditje dënimi të Veliut, që pritet nga Ruçi dhe skuadrat shkojnë në dhomat e zhveshjes.
PJESA E DYTË - Asgjë nuk ndryshon në formacionet e skuadrave pas pushimit. Dukshëm Flamurtari është më kërkues, ndërsa gjirokastritët tërhiqen në mbrojtje dhe mundohen të kapin të papërgatitur Flamurtarin në kundërsulm. Bushiç ka shansin të shënojë, por imiton Shkurtajn, edhe pse gjen kuadratin. Presioni i vlonjatëve shtohet, por po ashtu edhe paqartësia për të shkuar
te goli me një rrjedhë logjike. Mungon fantazia dhe pasimi i fundit. Agustin Torasa mundohet të “shpikë” diçka, por e ka të pamundur, pasi Bushiç mbulohet mirë nga dyshja e qendrës së mbrojtjes mike, Hoxha-Janiçiç. Daja fut në fushë edhe Hysenin e Ribajn,
por pavarësisht freskisë së këtyre të fundit, sërish sulmi vlonjat ka shumë probleme. Luftëtari mendon më tepër për mbrojtjen, por në fund Shkurtaj “djeg” golin e fitores, duke shpërdoruar një rast të artë. Gjithçka mbyllet në barazim pa gola.