UEFA, gjobë federatës për Tiranën
Institucioni i futbollit dënohet me kusht të mos gabojë deri në sezonin 2020-2021
EFA konsideron fa jtore Federatën Sh qiptare të Futbollit, që me letra të parregullta licencoi Tiranën në Europë për sezonin 2017-18. “CFCB”-ja ose organizmi në UEFA që garanton “Fair Play”-n, ka gjobitur FSHF- në dhe ka arritur një marrëveshje me organizmin tonë të futbollit, që do të jetë nën vëzhgim deri në sezonin 202020121 dhe do të kontrollohet rreptësisht për mënyrën sesi do të licencojë klubet në Europë. UEFA ka rënë dakord me federatën që të mos e gjobisë më palën shqiptare, por nëse kjo e fundit shkel rregullat, do të gjobitet 150 mijë euro dhe do t’i hiqet e drejta e licencimit.
HETIMI PËR FSHF- në Menjëherë pasi mbylli hetimin për Tiranën, UEFA hapi hetim për federatën, e cila me “shpatulla pas murit” u detyrua të pranonte fajësinë dhe masat e UEFA-s, mes të cilave edhe të jetë nën vëzhgim për tre sezonet e ardhshme (2018-21), ndërsa mund të përballet me sanksione të tjera nëse nuk përmbush në vijim kërkesat e ndërkombëtarëve.
GJOBA - Në dy vitet në vijim Federatës Shqiptare të Futbollit do t’i mbahen 100 mijë euro nga pagesat që përfiton prej UEFA-s, ndërsa është paralajmëruar se 150 mijë euro të tjera do t’i mbahen nëse nuk përmbush detyrimet gjatë periudhës që do të jetë nën vëzhgim. Federata, nga ana e saj e
gjetur në faj, ka ndryshuar qasjen e saj me licencimet, duke plotësuar çdo kusht të mundshëm të vënë nga UEFA.
HISTORIA - Në mars 2017, Tirana si çdo klub tjetër në Shqipëri, aplikoi për licencim për në Kupat e Europës, meqenëse ishte në lojë për t’u
kualifikuar për Europa League. Tirana plotësoi dosjen, por FSHF e rrëzoi këtë klub në raundin e parë të licencimit. Problemi kryesor ishte mospagimi i taksave dhe tatimeve për vitet 2011-2014. E gjendur mes katër rrugëve, Tirana i kërkoi ndihmë FSHFsë.
Institucioni i futbollit në apelin që bëri klubi bardheblu, e orientoi që të bënte një marrëveshje me tatimet dhe më pas klubi mori licencën për të luajtur në Europë. Në shtator, pas ndeshjeve europiane dhe parave që klubi mori nga Bashkia, Tirana ( edhe Skënderbeu) u njoftua për një vendim të ri të UEFA-s. Europianët mendonin se licenca e Tiranës ishte marrë me dokumentacion të parregullt. Shkurt, UEFA mendonte se Tirana e federata kishin “gënjyer” me dokumentacionin dhe për këtë do të hapej një
hetim. Më 6 mars 2018 u mor vendimi se Tirana kishte mashtruar me dokumentacionin e licencimit, ose më saktë, FSHF nuk e kishte kryer siç duhej procesin e licencimit dhe ndaj vendosi që t’i anulojë Tiranës pagesën për Kupat e Europës. Tirana nën zë akuzoi FSHF-në, që ishte ajo që pranoi dokumentacionin e bardhebluve dhe e licencoi për në Europë. Sipas Tiranës, FSHF ishte përgjegjëse, sepse ajo i dha “OK”-in për të luajtur në Europë dhe fare mirë institucioni i futbollit mund ta kishte refuzuar kërkesën e bardhebluve.