Vllaznia përfundon në...Katar
Nga ndeshjet te shkëmbimi i lojtarëve gjatë merkatos, ja çfarë përfitojnë shkodranët
llaznia përfundon në...Katar. Drejtori sportiv i klubit shkodran, Engin Firat, prej disa ditësh ndodhet në Katar. Ashtu siç ishte premtuar, klubi ka nisur bashkëpunimin me disa klube dhe akademi të ndryshme nëpër botë. Njëra prej tyre është akademia “Aspire” e Dohas, një nga më të mëdhatë dhe më të mirat në botë. Drejtori Firat zhvilloi takime me drejtuesit e kësaj akademie për shkëmbimin e njohurive dhe po ashtu u bisedua për të gjetur mënyrën e bashkëpunimit në mes akademisë “Aspire” dhe akademisë së KF Vllaznia. MARRËVESHJA Ndërsa në kuadrin e vijimit të punës për krijimin e marrëdhënieve të reja me klube të ndryshme, dje u bë realitet nënshkrimi i një marrëveshjeje bashkëpunimi mes KF Vllaznia dhe “Muaither Club” të Katarit. Ajo është firmosur nga drejtori sportiv i klubit shkodran, Engin Firat, dhe drejtori i përgjithshëm i “Muaither Club”, Mahmud Al Mahmud. “Një mar-
rëveshje e tillë synon krijimin e marrëdhënieve të mira të bashkëpunimit midis dy klubeve, duke filluar nga ndeshjet e përbashkëta të ekipeve të para, realizimi i kampeve stërvitore të përbashkëta apo dhe pjesëmarrja në turne të ndryshme. Po Drejtori sportiv i Vllaznisë, Engin Firat me drejtuesit e “Muaither Club” në Katar gjatë nënshkrimit të marrëveshjes së bashkëpunimit
ashtu, edhe për punën e përbashkët me skuadrat e të rinjve si dhe ndihmën e njëratjetrës në periudha të ndryshme të transfertave të lojtarëve. Kjo marrëveshje do t’i shërbejë klubit Vllaznia për krijimin e mundësive të reja të zhvillimit si në aspektin
e përgatitjes së ekipit, por dhe për transfertat e lojtarëve”, thuhet në njoftimin e klubit kuqeblu, që ka lajmëruar dje arritjen e marrëveshjes. Me sa duket, tani klubi shkodran dhe për më tepër lojtarët e rinj të skuadrës do të kenë më
shumë mundësi për të pasur pikërisht këto klube si një trampolinë për në skuadrat e tjera jashtë kampionatit tonë. Nga sa mësohet, drejtuesit e klubit shkodran nuk do të ndalen këtu me këto marrëveshje bashkëpunimi. Drejtori sportiv i klubit, nga sa mësohet, ka nisur turin e tij për të gjetur urat e lidhjes me skuadra prestigjioze. Ndërsa nga ana tjetër, mësohet se drejtori sportiv po shikon edhe për lojtarë që mund të jenë si përforcime për Vllazninë e së ardhmes. STRATEGJIA
Vllaznia e këtij sezoni ka
një risi, që ka të bëjë me nënshkrimin e marrëveshjeve me klube të huaja. Një gjë e tillë u lajmërua nga drejtori i klubit, Engin Firat, sapo ai mori detyrën që ka. Më parë nuk ka ndodhur një gjë e tillë, ndërsa për më tepër, Vllaznia është penalizuar shumë për sa i përket shitjes së lojtarëve të rinj të talentuar, duke përfituar shuma të papërfillshme nga shitja e tyre. Pritet që në ditët në vazhdim të lajmërohet edhe për nënshkrimin e marrëveshjeve të reja mes Vllaznisë dhe klubeve jashtë Shqipërisë.