Sfidë për Superioren, Apolonia nis “finalet”
Nako: Momenti të bëjmë kthesën, e njoh kundërshtarin
ierakët janë totalisht të përqendruar për ndeshjen e radhës, duke besuar se këtë herë do të reflektojnë siç duhet edhe me rezultat në fushën e tyre. Të dielën, në “Loni Papuçiu”, do të luajnë Apolonia dhe Egnatia që janë dy nga ekipet më cilësore të Grupit B të Kategorisë së Parë, pavarësisht se në renditje ndodhen larg pozicioneve të pritshme. Në pamjen e jashtme, skuadra e Mihos ka obligimin se luan në fushën e saj, por po aq edhe trysninë e fitores së munguar në Fier, ndërsa rrogozhinasit do të synojnë të kthehen te lojërat bindëse dhe rezultatet jo të kontestuara të minutave limit, pas oshilacioneve të së paku 3 javëve të fundit. Ja pse kjo sfidë është interesante, edhe për vetë organikën e të dyja ekipeve, të cilat kanë në përbërje të tyre jo pak lojtarë përvoje, po e po në kompeticion- in përkatës, por edhe në Superligë, madje edhe nga ata që janë kurorëzuar kampionë në elitë, siç është Dimo, “ishujk i dëborës” në Korçë. Egnatia ka krijuar një skuadër të fortë, duke pasur si bazament kryesisht futbollistë me eksperiencë, 3 prej të cilëve kanë qenë pjesë e Apolonisë në kohë të ndryshme: Karakaçi, Dimo e Broshka. Në kahun tjetër, me statusin “ish” i Egnatias është qendërmbrojtësi fierak Rudin Nako, i cili ka luajtur jo më larg se sezonin e kaluar për rrogozhinasit, madje dukje shënuar 6 gola, si askurrë në karrierën e tij sportive. NAKO
“Është një ndeshje interesante! Unë kam luajtur me Egnatian dhe e rithem që ruaj përshtypjet dhe vlerësimet e mia më të mira për këtë ekip, por pa nostalgji, pasi Apolonia nuk është vetëm skuadra ime e momentit, por edhe e zemrës. Në këtë përballje unë do të luftoj fort, madje të gjithë ne dhe mendojmë vetëm për 3 pikë, edhe pse e njoh grintën dhe shpirtin luftarak të asaj skuadre, që nuk dorëzohet lehtë dhe ka dëshirë fituesi. Nuk do ta kemi të lehtë, përkundrazi, por duhet dhe besojmë se do të fitojmë. E kemi përgatitur mirë këtë ndeshje gjatë javës, ndaj besojmë të gjithë dhe, kur besimi përfshin krejt grupin, është një element i rëndësishëm drejt suksesit. Është një ndeshje radhe, ku pa dyshim secilës skuadër i intereson maksimumi, për të bërë një hap pozitiv drejt synimeve që kanë. Nuk ka vend për ta parë si sfidë ish- ësh, sepse jemi profesionistë dhe gjithmonë mundohemi të japim më të mirën”, e mbylli Nako.