Ja pesë arsyet përse nuk duhet ta humbisni "Klasiken"
Prej më shumë se 9 sezonesh, Bundesliga gjermane ka vetëm 2 skuadra, Bajernin dhe Borusian e Dortmundit. Përballja mes tyre konsiderohet si ndeshja më e shikuar, por këtë sezon është ndryshe. "Deutsche Velle" publikon një listë prej 5 arsyesh përse "Der Classiker" duhet ndjekur të shtunën në orën 18:30. Titulli dhe prova e forcës Duhet të kthehesh pas në kohë, në vitin 2012, për të parë një sfidë vendimtare për titull mes Bajernit dhe Dortmundit. Më pas, supersfida e humbi bukurinë e vet, për shkak të diferencave të mëdha mes dy ekipeve. Megjithatë, këtë sezon gjithçka duket ndryshe, sepse Bajerni, pas 6 sezonesh me triumfe, duket në vështirësi, ndërsa Dortmundi po mahnit me lojën e vet dhe ka 4 pikë më shumë.
Një epoke e re
Që kur Robert Levandovski është transferuar te Bajerni, sulmi bavarez ka qenë më i frikshmi në Bundesligë. Këtë sezon, Dortmund po bëhet kërcënim serioz. Lojtarë si Kristian Pulisiç, Jadon Sanço e Jackob Brun Larsen i japin shkëlqim dhe gola një skuadre të bukur, që nuk ka pësuar ende humbjen e parë në Bundesligë.
Nojer, jo më i pakalueshëm Manuel Neuer mbetet numri 1 i bavarezëve, por me formën aktuale 32-vjeçari është duke përjetuar sezonin më të dobët që kur erdhi nga skuadra e Shalkes. Nojer nuk ka kryer asnjë pritje prej 428 minutash në kampionat, ndërsa ka pësuar 8 gola në këtë periudhë. Borusia, ende pa asnjë humbje në kampionat Dortmundi është në formën e tij më të mirë dhe ka vendosur një rekord prej 15 ndeshjesh rresht pa pësuar asnjë humbje, para se të ndalej nga Atletiko Madrid të martën në ndeshjen e Champions-it. Sfida kundër Bajernit është mundësia më e mirë për të treguar vlerat, por mund të jetë edhe një goditje shumë e rëndë psikologjike në rast disfate. Nga Kovaç te Kimish, sa shumë ndryshime
Një mesfushor natyral, Joshua Kimish është transformuar në një prej mbrojtësve të djathtë më të mirë në botë. Tani duhet parë në çfarë roli do ta përdorë Niko Kovaç, sepse javën e shkuar e ktheu në mesfushë dhe 23-vjeçari e preku 109 herë topin, një pozicion që më parë Kimish e ka luajtur edhe në kombëtaren e Gjermanisë.