Bushi shpall listën dhe i dërgon “mesazh” Dukës
“Nuk kam folur për kontratën e re, pres të takoj FSHF-në”
lban Bushi ka bërë publike listën e Ko mbëtares Shpresa për dy miqësoret kundër Maltës ( 16/ 11/ 2018, ora 19:00 “Selman Stërmasi”, 19/ 11/ 2018, ora 19: 00 “Loro Boriçi”). Për dy miqësore që, sipas trajnerit Bushi, i përkasin kontratës së vjetër. Sepse për të renë pret një telefonatë. E ardhmja e tij, e skuadrës dhe projekti ishin disa nga temat e diskutuara në konferencë.
BREZI I RI- “Nuk mund të them se është një listë e re, sepse 60% e këtyre emrave kanë qenë. Datëlindjet 96-97 nuk marrin më pjesë në këtë edicion. Ka goxha prurje të reja dhe këto dy miqësore do të na shërbejnë për të parë gjendjen e këtyre lojtarëve. Kam lënë jashtë disa nga kampionati shqiptar, sepse e di çfarë bagazhi kanë. Dua të provoj këta të rinjtë”.
KUNDËRSHTARI- “Është një kundërshtar modest, por edhe ne jemi modestë. Edhe ne kundërshtarët na konsiderojnë të tillë, por tani futbolli ka ndryshuar. Kemi bërë dy miqësore të forta me Francën dhe Italinë, por këtë miqësore e kemi vendosur 5 muaj më parë. Por nuk është aq ekip i dobët, sepse ka marrë rezultate pozitive”.
EMRA TË RINJ- “Sigurisht që do të ketë të rinj, por lista nuk është shumë e zgjeruar. Kemi 42 lojtarë nën vëzhgim dhe shpresojmë nga kampionati i Maqedonisë, nga do të afrohen 2- 3 lojtarë cilësorë. Nëse do të ketë ndonjë lojtar që do të shkëlqejë, atëherë sigurisht që do të ketë vend për të gjithë. Kemi Besir Ramadanin dhe Zejnullahun që janë pjesë
e Kombëtares, por jo këtë herë sepse nuk kanë minutazh”.
SEFERI- “Këtë e di trajneri Panuçi kë merr dhe kë nuk merr. Seferi, Durmishaj dhe të tjerë janë lojtarë shumë të mirë dhe po luajnë mirë me ekipet e tyre dhe po shënojnë gola. Kanë minuta në këmbë, por e di trajneri këtë punë. Ata janë të rinj dhe e kanë përpara të ardhmen e Kombëtares”.
E ARDHMJA- “S’kam
folur ende për kontratën me presidentin. Këto janë ndeshje miqësore që janë brenda kontratës. Këtë e di Federata Shqiptare e Futbollit kur do ta shtyjmë kontratën. Por unë e kam mendjen te ndeshjet me Maltën dhe nuk po mendoj për këtë. Kemi bërë një ekip të mirë, por kemi nevojë për një sulmues të mirë si Vrioni, i cili për momentin është në ekipin e parë”.
XHEMAJLI- “Është një lojtar me prespektivë, por për momentin nuk po luan. Kemi parë disa video të tijat, por e kemi grumbulluar sepse nuk kemi asnjë mbrojtës të majtë për momentin”.
EKSPERIENCA- “Duhet të korrigjojmë gabimet që kemi bërë në sezonin e kaluar, nga lojtarët dhe nga ne si staf. Por kemi bërë ndeshje shumë të mira në edicionin e kaluar”.