Sot Siti-Junajtid, sprinterët kundër “breshkave”
"Ndeshje fantastike, na befasuan me kundërsulmin"
Niko Kovaç do të kalojë një tjetër javë të vështirë në raport me presionin e shtypit, pavarësisht se Bajerni i Mynihut luajti shumë mirë kundër rivalëve të Borusias së Dortmundit. Kroati ka në dispozicion 23 ndeshje për të rikuperuar 7 pikët që e ndajnë me skuadrën e Lusien Favresë dhe trajneri mbetet optimist nëse ekipi luan si ndaj Borusias. Por ai vlerëson lojën e skuadrës së tij dhe thotë se do ta kishte kënaqur edhe një barazim: "Luajtëm një ndeshje fantastike futbolli, por jo vetëm ne, por edhe Dortmundi gjithashtu. Ishte një lojë e hapur. Në pjesën e parë e kishim ne ndeshjen në dorë, në të dytën Dortmundi. Pas barazimit 11 ne provuam që të riktheheshim. Pastaj lejuam të na shënonin edhe dy herë të tjera përmes kundërsulmit dhe kjo nuk duhet të ndodhë. Dortmundi ka lojtarë shumë të shpejtë, të cilët shkojnë gjithnjë në thellësi. Dhe nëse ti nuk i ndjek, atëherë topi do të luhet vertikalisht. Duhet të kishim qëndruar më kompaktë. Në fund humbëm, pavarësisht se në fund edhe barazimi do të kishte qenë një rezultat pozitiv. U mbyllëm shumë mirë në qendër në pjesën e parë, duke e spostuar kundërshtarin në krahë. Në të dytën nuk patëm sukses dhe fatkeqësisht humbëm, edhe pse mund të kishim barazuar. Por me këtë paraqitje duhet të jemi të kënaqur. Ishte ndeshja jonë më e mirë që pas asaj me Shalken: ishte e gjallë, e luftuar dhe taktike, veçanërisht në pjesën e parë. Prandaj ne duhet ta marrim këtë ndeshje si shembull për t'u përmirësuar dhe bërë më shumë ndeshje si kjo në të ardhmen".
TITULLI - Në lidhje me klasifikimin dhe diferencën jo të vogël që Bajernin e tij e ndan me rivalët, ish-trajneri i Aintrahtit të Frankfurtit ka këtë përgjigje: "Shtatë pikë janë shumë, por në futboll gjithçka është e mundur".