Teuta tremb Kukësin, polemika për një gol
Durrsakët barazojnë dhe konfirmohen forca e tretë, Gjici: Fitoren na i mohoi arbitri
Kukësi-Teuta prodhon dy gola, por jo tues. Ndeshja që mbylli javën e 13-të të Kategorisë Superiore kon rmoi momentin e mirë të durrsakëve dhe oshilacionet e nënkampionëve në fuqi, të cilët nuk po gjejnë ende stabilitet në rezultate. Barazimi 1-1 kënaqi më tepër durrsakët, që në fakt shënuan të parët me Kamara ...
Kukësi- Teuta prod hon dy gola, por jo fitues. Ndeshja që mbylli javën e 13-të të Kategorisë Superiore konfirmoi momentin e mirë të durrsakëve dhe oshilacionet e nënkampionëve në fuqi, të cilët nuk po gjejnë ende stabilitet në rezultate. Barazimi 1-1 kënaqi më tepër durrsakët, që në fakt shënuan të parët me Kamara dhe mund ta kishin administruar më mirë lojën. Kukësi i largohet gjithnjë e më shumë kreut, teksa pas 13 javëve kampionat e shikon veten në vendin e pestë me plot 10 pikë më pak se Partizani kryesues. Skuadra e Bledi Shkëmbit u ngjit në vendin e tretë pas këtij barazimi, teksa edhe një herë tregoi se nuk është rastësi ecuria brilante e gjashtë ndeshjeve të fundit. As zhbllokimi i Arturo Rexhinaldos pas 6 ndeshjeve pa shënuar nuk i mjaftoi ekipit të Armando Cungut për t’u rikthyer te tri pikët. Duket se problematika e stadiumit po ndikon gjithnjë e më tepër te veriorët, që po luajnë sa në Elbasan, Shkodër, Kamzë dhe dje në “Selman Stërmasi”. Edhe hyrja e lirë e tifozëve nuk dha asnjë efekt.
PJESA E PARË
Skuadrat e nisën me mungesa të rëndësishme në formacion, me Kukësin që nuk kishte lojtarin më në formë, Melo, për shkak kartonësh, ndërsa po për të njëjtën arsye, durrsakët kishin humbur shërbimet e qendërmbrojtësit Ditmar Bicaj. Fillimi i lojës është më i mirë për durrsakët, të cilët janë më agresivë dhe mundohen të marrin mesfushën. Gjithsesi, loja ekuilibrohet ndjeshëm pas 10 minutave, teksa Shkodra dhe Shafik mundohen të nxjerrin përpara Kukësin. Shameti dhe Dzaria kanë raste të mira për të shënuar, por mungon shënjestra. Teuta humbet edhe shërbimet e Latif, që del nga fusha i dëmtuar. Por, si për ironi menjëherë pas largimit të ganezit, është Teuta që ndëshkon Kukësin. I sapofuturi Vecaj gjuan nga një goditje dënimi dhe pas devijimit të topit është Kamara që përfiton. Kukësi mundohet të reagojë direkt dhe arrin të dërgojë topin në rrjetë, por goli i Rexhinaldos anulohet. Skuadrat shkojnë në dhomat me zhveshjes me fitoren e Teutës.
PJESA E DYTË
Pas pushimit është një Kukës më i karikuar. Nuk kalojnë as 5 minuta dhe Rexhinaldo gjen golin e barazimit
pas një zhytje të bukur me kokë brenda zonës. Loja bëhet më e bukur, me Teutën që has shumë vështirësi dhe Rexhinaldo për pak i ndëshkon sërish. Cungu bën tri lëvizje të shpejta, duke hedhur në fushë fillimisht Qaqin, e më pas Çyrbjen dhe Kalanë. Por,
rastet para portës durrsake mungojnë. Madje, momentin më të mirë për të shënuar e krijon Teuta me Shkallën, që nuk arrin të gjejë golin edhe pse pesë metër larg portës. Përpjekjet e Kukësit në fund janë të dëshpëruara dhe gjithçka mbyllet me shifrat 1-1.