Ushtar në Greqi, Durmishaj nuk vjen në Kombëtare
Manovra me VIP-at, ja mundësia që duhej shfrytëzuar
iorin Durmishaj nuk erdhi në grum bullimin e fundit të Kombëtares U-21 dhe dje ishte trajneri i Kombëtares Kristian Panuçi që njoftoi se kishte kërkuar të ftohej për këtë grumbullim. Lajm i mirë që sulmuesi 22-vjeçar të ketë vëmendjen e trajnerit, për të vijuar karrierën si kuqezi. Por, ka qenë vetë Panuçi, i cili në konferencë ka “ngritur supet” nëse vjen apo jo. Në mbrëmje është mësuar edhe përgjigjja negative nga klubi.
PËRGJIGJJA - “Panorama Sport” ka mësuar nga burime zyrtare pranë skuadrës Kombëtare se Fiorin Durmishaj nuk mund të jetë në grumbullim. Në lidhje me ftesën e FSHF-së, klubi i Panioniosit ka kthyer përgjigjen që për shkak të shërbimit ushtarak të detyrueshëm, lojtari nuk mund të dalë nga Greqia dhe nuk mund t’u bashkohet kuqezinjve në grumbullim. Për Durmishajn pati ftesë për shkak të dëmtimit të Rei Manajt në ndeshjen e së dielës në Ligën e Dytë spanjolle.
MANOVRA - Pengesa ligjore për sulmuesin 22-vjeçar ka edhe një mundësi manovrimi nga shteti grek. Duke qenë një njeri i njohur, i konsideruar VIP, Durmishaj mund të ketë pranuar mundësinë për t’u paraqitur vetëm për një periudhë tremujore. Periudhë në të cilën lojtari nuk mund të dalë jashtë kufijve të Greqisë, pasi në të kundërt rrezikon arrestimin, pasi konsiderohet
dezertim. Por, ka një manovër ligjore që e njeh shteti grek. Në rastet e njerëzve të njohur, pra siç mund të konsiderohet edhe një futbollist, duhet bërë një kërkesë e posaçme pranë Ministrisë së Mbrojtjes së Greqisë të paktën një muaj përpara datës kur kërkon të largohet
jashtë shtetit. Në këtë rast, është Ministria e Mbrojtjes që vendos dhe ekziston mundësia e pranimit të asaj kërkese. Gjë, e cila duhet të ishte shfrytëzuar në këtë rast nga FSHF, në rast se ftesa për të do të përllogaritej që pas përfundimit të aventurës së sulmuesit me Shpresat.