Imobile mungon me Shtetet e Bashkuara, shans talenteve Mançini, Tonali e Kin
Pas barazimit në "San Siro" kundër Portugalisë (0-0) ditën e shtunë, Robarto Mançini, në akord të përbashkët me lojtarët, ka ridërguar në shtëpi Xhiorxho Kielinin, Lorenco Insinjen, Alesandro Florencin, Marko Verratin dhe ditën e djeshme u mor i njëjti vendim për Çiro Imobilen (ndërsa Leo Bonuçi, për shkak të dëmtimit të Rolanjolit e pavarësisht grumbullimit të Açerbit, nuk do largohet). Më shumë hapësirë për talentet, pra, dhe eksperimenteve për miqësoren kundër Shteteve të Bashkuara e programuar për ditën e nesërme (ora 20:45) në Genk, Belgjikë.
MBROJTJA - Kundër përfaqësueses amerikane trajneri i "axurrëve" mendohet se do konfirmojë sërish modulin 4-3-3: mes shtyllave mund të jetë shansi i Sirigut në vend të Donarumës. Në mbrojtje do jetë thuajse me siguri mbrojtësi i Juventusit në qendër, i përkrahur nga shoku i skuadrës, Daniele Rugani. Florenci, në të djathtë, mund të zëvendësohet nga juventini tjetër, De Shiljo, ndërsa në të djathtë Mançini momentalisht është në dyshim mes Biragit dhe Emerson Palmierit. MESFUSHA - Më shumë dilema në mesfushë, ku Verrati mund të marrë një ndeshje pushim dhe në vendin e tij në "regji" do pozicionohet Nikolo Barela i Kaljarit, ndërsa dëmtimi në momentin e fundit i Pelegrinit i "jep" praktikisht një fanellë titullari Galjardinit. Treshja e mesfushës me shumë mundësi do plotësohet nga Stefano Sensi, talenti i Sasuolos aktualisht i huazuar te Çezena. SULMUESIT DHE STOLI -
Sakaq, "tredhëmbëshi" i sulmit duhet të ndërtohet nga Kevin Lazanja i Udinezes, Domeniko Berardi i Sasuolos dhe Mateo Politano i Interit, edhe pse nuk përjashtohen surpriza. Pavoleti, jo në formë, do e nisë nga stoli. Stol nga ku gjatë ndeshjes mund të ngrihen shumë të rinj të grumÇmimi
bulluar nga Mançini për t'u testuar: nga Mançini (mbrojtësi i Atalantës) tek i shumëpërfoluri (dhe i shumëkërkuari në merkato) Stefano Tonalo, talenti i Breshias, duke kaluar nga sulmuesi Mois Kin, në pronësi të Juventusit, i huazuar prej dy sezonesh te Verona.