Shqipëria turpërohet me 88 pikë edhe nga Lituania
Ekipi i Viron Toskës e mbyll në vend të fundit pa fitore
je Shqipëria zhvil loi ndeshjen e saj të fundit në grup, për kualifikueset e Kampionatit Europian të basketbollit të femrave “Letoni-Serbi 2019”. Vajzat kuqezi luajtën në transfertë përballë Lituanisë vendëse, ku edhe në këtë sfidë nuk pati asnjë surprizë ku Shqipëria pësoi disfatën e radhës, duke u mundur me një rezultat shumë të thellë 146- 58. Vendëset dominuan në të gjitha aspektet, duke mos e vënë në diskutim për asnjë çast fitoren, ndërkohë që kombëtarja jonë e kishte të pamundur që t’i përgjigjej lojës së lituanezeve. Kjo ishte humbja e gjashtë për Shqipërinë në këto eliminatore, të cilat kanë startuar një vit më parë, ndërsa Lituania mori suksesin e saj të dytë pas fitores së arritur në Tiranë më datë 10 shkurt. Lojtarja më rezultateve në këtë sfidë ishte
lituanezja Egle Siksniute, me 24 pikë 15 rikuperime në tabele dhe 2 asistime. Ndërkohë, për Shqipërinë lojtarja më e mirë ishte Enxhi Xhanaj, me 21 pikë, 19 rikuperime në tabelë dhe 6 asistime. Shqipëria ndodhet në Grupin C, ku përveç Lituanisë bëjnë pjesë edhe Rusia me Hungarinë, ku ruset e mbyllën grupin në vend të parë me 6 fitore në po kaq ndeshje.
NDESHJA – Perioda e parë e takimit starton me Lituaninë në sulm, që arrin të krijojë menjëherë një avantazh në pikë. Ky fraksion mbyllet me dominimin e vendëseve në shifrat 35-18. 10-minutëshi i dytë i ndeshjes është edhe më i dobët për skuadrën tonë, e cila mundet me 32 pikë diferencë (43-11) dhe në pushim ndërmjet dy pjesëve shkohet me avantazhin e lituanezeve 78-29. Edhe në pjesën e dytë të ndeshjes nuk ndryshon asgjë, ku Lituania kontrollon gjithçka dhe e thellon në mënyrë konstante edhe më shumë avantazhin e saj, duke e fituar periodën e tretë 37-11. Ndërsa, fraksioni i fundit i lojës mbyllet me shifrat 31-18 sërish për vendëset që e fitojnë të
FORMULA 1 gjithë ndeshjen me rezultatin e thellë 146-58. Skuadra jonë kombëtare e drejtuar nga Viron Toska pëson kështu edhe humbjen e saj të fundit në grup. Një tjetër humbje turpëruese me plot 88 pikë diferencë që tregon gjendjen alarmuese të basketbollit.