TiranaTirana ndalndal Skënderbeun,Skënderbeun, Mema: Të papërgjegjshëm,papërgjegjshëm, ua falëmfalëm golingolin korçarëvekorçarëve

Greca Greca çmend çmend trajnerin trajnerin dhe dhe humbet humbet Partizanin, Partizanin, ja çfarë nuk u pa në TV

Trajneri Trajneri i i bardhebluve bardhebluve shfryn shfryn për për gabimet në mbrojtje: "Nuk e kuptoj dot dot si si pësojmë pësojmë gol, gol, duket duket sikur sikur dhurojmë dhurojmë ndeshjen". ndeshjen". Shehi Shehi nuk nuk e e bën bën dramë: dramë: "Mos "Mos e e quani quani hap hap fals" fals"

Tirana flirton me fitoren, ndërsa Skënderbeu flirton me kreun! Në një "Selman Stërmasi" "të akullt", dy skuadrat nuk shkojnë më shumë se një barazim 1-1, që nuk i vlen askujt. Me një ndeshje që nuk u ngjit mbi mesataren, Tirana sërish dështoi me një tjetër papërgjegjshmëri në mbrojtje. Luajti një pjesë të parë të mirë, por e pa veten në disavantazh nga gjuajtja e parë serioze në portë e Skënderbeut me anë të Bruno Ditës. Një shkëndijë e dyshes Greca-Sentamu solli barazimin në fund të pjesës së parë. Një pjesë e dytë e dobët me Tiranën, që humbet fizikisht dhe një Skënderbe që çuditërisht nuk dëshiron të sforcohet për të fituar, në fund prodhon një barazim 1-1. Rezultat që i shkon ngushtë Tiranës që në "erën" Mema nuk fiton, duke mërzitur trajnerin, ndërsa për korçarët pika nuk mjafton për t'u ngjitur në krye të Superiores edhe pse shansin e kishin të servirur nga Flamurtari në një "pjatë argjendi".

NDESHJA - Një sfidë pa tifozë ajo e djeshmja, e cila nuk solli ndonjë emocion të veçantë. Lojë me hope mesatare, me Tiranën që në pjesën e parë bën ligjin në fushën e lojës, ndërsa Skënderbeu vazhdon të jetë ekipi më pragmatist në Superiore. Mema nuk ndryshon filozofinë e tij me 11-shen, ku jashtë është Kobina dhe dy gjysmësulmuesit. Shehi pa Demten zgjedh të luajë me Guedj. Gjithsesi, rastin e parë e ka Tirana që në dy minuta rrezikon me Hasanin. Në minutat e para presioni i Tiranës është i madh, por bardhebluve u mungon goli. Skuadra shkon deri te porta e Skënderbeut dhe gabon. Çuditërisht, në gjuajtjen e parë në portë korçarët shënojnë gol me Bruno Ditën. Është minuta e 35-të, faull nga e djathta e sulmit të Skënderbeut, Radas parashuton topin në zonë dhe aty, Dita i lënë i lirë, shënon qetësisht. Mbrojtja e Tiranës, e gjitha në gjumë. 0-1 dhe bardheblutë nuk u besojnë syve. Ata bëjnë lojën, por e pësojnë. Gjithsesi, rezultati do të ndryshonte 60 sekonda nga fundi i pjesës së parë. Greca, i cili dje ka shpërdoruar shumë, djeg Radasin në dyluftim një kundër një, pason në qendër, Teqja del blof për të larguar topin dhe Sentamu pas tij e ka lojë fëmijësh të çojë sferën në rrjetë. 1-1 dhe takimi do të "nisë nga fillimi" në pjesën e dytë, ndonëse janë luajtur 45 minutat e para.

PJESA E DYTË - Shehi largon Gripshin dhe aktivizon Hoxhën dhe menjëherë Skënderbeu është shumë pranë golit. Është minuta e 47- të. Kundërsulm i Skënderbeut me Muzakën që pason për Krasniqin, i cili ecën para dhe godet,

por grushton Abibi. Topi shkon te Doka, që me vështirësi e kalon në fundore. Tronditen bardheblutë që shtrëngohen pas, por nuk kanë më atë freskinë e pjesës së parë. Korçarët mundohen të shkojnë sërish te porta e Tiranës, por janë të paqartë. Në të njëjtën situatë është edhe Tirana që mundohet me Karabecin, Sentamunë, por mungon kthjelltësia. Mema i provon të gjitha kartat, me Halilin e Kobinën në fushë, por skuadra është shumë larg portës. Përfundimisht, Tirana- Skënderbeu mbyllet në barazim 1-1, me

bardheblutë që nuk fitojnë një ndeshje prej tetë javësh (brenda dhe jashtë), ndërsa Skënderbeu humb shansin e madh për të kaluar në krye të renditjes së Superiores, duke mëshiruar të kuqtë e Gegës, që për ironi të fatit të premten e jashtme presin Tiranën e Memës...