Vllaznia fiton në frymën e fundit, grushte në Pezë
Dibranët kontestojnë gjykimin, 3 mijë tifozë në stadium
Vllaznia është rikthyer te fitorja, duke e nisur fazën e dytë të kampionatit në mënyrën më të mirë. Pas humbjes me Ilirinë, shkodranët kanë fituar dje në Peshkopi ndaj Korabit vendës. Një ndeshje e luftuar fort, ku miqtë e kanë gjetur golin e fitores vetëm në minutat e fundit me anë të kapitenit...
Vllaznia është rik thyer te fitorja, duke e nisur fazën e dytë të kampionatit në mënyrën më të mirë. Pas humbjes me Ilirinë, shkodranët kanë fituar dje në Peshkopi ndaj Korabit vendës. Një ndeshje e luftuar fort, ku miqtë e kanë gjetur golin e fitores vetëm në minutat e fundit me anë të kapitenit Gilman Lika. Vllaznia vazhdon të mbetet në krye të grupit A +4 pikë nga Erzeni. Vllaznia rikthehej të luante në Dibër pas 30 vitesh dhe interesimi nga ana e tifozëve ishte maksimal. NDESHJA
Topin e parë e shkelmojnë vendësit që i afrohen portës kundërshtare, por pa rezultat. Shkodranët, duke përfituar edhe nga eksperienca, hidhen në sulm dhe rrezikojnë portën e Korabit. Në minutën e 15-të, Gocaj kalon Vllazninë në avantazh duke finalizuar saktë aksionin e miqve. Më pas, dibranët hidhen në sulm për të barazuar, por përpjekjet e Razës dhe të Skukës nuk finalizohen saktë. Nga ana tjetër, shkodranët mbrohen shumë mirë duke mos lejuar vendësit që të kalonin mesin e fushës. Në minutën e 21-të, Xhunior hyn bukur në zonë dhe pengohet nga Kalluci duke bërë që gjyqtari Ziri të akordojë 11- metërsh. Vendësit protestojnë, ndërsa Kalluci ndëshkohet me karton të verdhë. Nga pika e bardhë godet braziliani Xhunior, por gjithçka është për t’u harruar pasi topi kalon mbi tra. Dibranët marrin zemër dhe kërkojnë të barazojnë. Pas shumë përpjekjesh, goli i barazimit vjen në minutën e fundit të kohës shtesë, ku Kovaçi godet saktë me kokë dhe barazon. Pjesa e dytë nis mirë për shkodranët ku Gilman Lika shfaqet rrezikshëm, por gjuajtja e tij nuk është e saktë. Janë përsëri dibranët që rrezikojnë, ku Skuka shfaqet në portën mike, por nuk gjen dot rrjetën. Më pas, lojtarët e Korabit provojnë me disa goditje nga distanca me Karajn e Hoxhën. Minutat rrjedhin dhe rezultati nuk ndryshon. U duk sikur po përsëritej historia e 30 viteve më parë, por nuk ishte e thënë. Fillimisht është Xhunior që godet fort, por Birja bën mrekullinë duke pritur me vështirësi. Megjithatë, për shkodranët mendon kapiteni Gilman Lika në minutën e 89-të. Gurishta krozon në zonë dhe aty sulmuesi
Lika godet saktë duke e dërguar topin në rrjetë, 1-2. Nuk ka më kohë dhe ndeshja mbyllet me fitoren e miqve. Gjyqtari Ziri është kontestuar nga vendësit gjatë të gjithë takimit, pasi sipas dibranëve, nuk akordoi një penallti pas ndërhyrjes ndaj Skukës.