Lushnja jep leksione, Tomori dorëzohet shpejt
Beratasit mbeten në krizë dhe renditen në "zonën e ftohtë"
Në një "Roza Haxh iu" me dyer të mbyllura Lushnja ka mundur lehtësisht 3-0, Tomorin, në javën premierë të fazës së dytë të kampionatit. Skuadra e drejtuar nga Ilir Gjyla ka dominuar plotësisht, duke konkretizuar me një fitore të pastër. Edhe pse me shkallë bosh, me vështirësi të jashtëzakonshme për t'u stërvitur, me Korreshin të dëmtuar dhe Ademin të dënuar Lushnja ka komanduar duke i dhënë "derbit" ngjyra tërësisht verdhejeshile. Nga ana tjetër, Tomori është dorëzuar pa kushte. Me një mori mungesash, pezullimesh e dëmtimesh, skuadra e Devollit bëri një ndeshje të heshtur dhe pa gjurmë.
NDESHJA - Nis një ndeshje e qetë. Kingsli vendoset përballë Bejtes, por për- plaset me portierin lushnjar, duke bërë që mjekët të fillojnë menjëherë nga puna. Lushnja e vë Tomorin përpara. Përmes një dominimi të plotë nuk kuptohej sesi skuadra e Gjylës nuk po dilte te goli. Në minutën e 18-të, Bufasi me kokë përplas topin te portieri Braçe, ndërsa nga 5-6 metra në tentativën e dytë dërgon topin mbi tra. Lushnja rrit shumë presionin dhe golat në harkun kohor të shtatë minutave ishin rrjedhë logjike e lojës sulmuese verdhejeshile. Mesfushorët qendrorë, Taullau dhe Baze, falë një loje shumë të mirë bëhen edhe autorët e golave. Në minutën e 35- të vjen avantazhi. Alushi pason për Gjylën që kroson në zonë, Xhafa ul me kokë për Taullaun, që pasi e kontrollon bukur topin godet në hyrje të zonës, duke shënjestruar në trekëndëshin e majtë të portës beratase. Lushnja
është spektakolare edhe te goli i dytë. Baze me kokë godet traversën, topin e rikthyer e godet Suljka. Në goditjen e dytë Baze është i saktë, duke futur bashkë me topin edhe portierin Braçe në rrjetë. Në minutën e parë të shtesës shfaqet Tomori. Mahmutaj godet
nga e djathta dhe Bejte për një devijim spektakolar mund të shënonte. Ky ishte i vetmi moment i skuadrës mike. Në pjesën e dytë, Lushnja ngre shifrat me kapitenin Sefa. Sulmuesi 34- vjeçar merr një pasim nga Taullau dhe me majën e këpucës e dërgon topin në rrjetë. Kapiteni i Lushnjës shënon dhe golin e katërt që anulohet nga anësori Agaraj. Rezultati e dëmton edhe më shumë lojën e Tomorit. Beratasit bëhen nervozë dhe ngarkohen me kartonë, duke e mbyllur ndeshjen gati të dorëzuar. Lushnja merr tri pikë të thjeshta.