Statistika
- Janë 150 precedentët në Serinë A mes Lacios dhe Milanit. 28 suksese për bardhekaltrit, 58 barazime dhe 64 fitore kuqezi.
- Në të gjashta sfidat e fundit të luajtura në “Olimpico” dhe të vlefshme për Serinë A, të dyja ekipet kanë gjetur rrugën e golit.
22 gola në total me një mesatare prej 3.7 realizimesh për ndeshje.
- Bardhekaltrit kanë fituar katër nga pesë ndeshjet e fundit në shtëpi dhe kanë barazuar në vetëm një rast. Për të arritur të njëjtin numër rezultatesh pozitive, Lacios i ishin nevojitur 11 ndeshje në shtëpi në serinë e mëparshme.
- “Djalli” ka fituar vetëm një nga 16 përballjet e fundit direkte me ekipet e renditura në katër vendet e para të Serisë A. Fitorja e fundit daton pikërisht ndaj Lacios në janarin e kaluar. - Kuqezinjtë janë ekipi që ka fituar më shumë pikë falë golave të shënuar në dhjetë minutat e fundit të ndeshjeve në këtë sezon të Serisë A. 6 pikë për Milanin, ndërkohë që në të njëjtën hapësirë kohore, skuadra e Inzagit nuk ka humbur asnjë pikë.
- Xhenaro Gatuzo është trajneri që ka përdorur më pak futbollistë në kampionatin e sivjetshëm. 18 lojtarë, nga të cilët një ka qenë titullar në të paktën dy ndeshje.
- Bardhekaltrit janë ekipi që është ndëshkuar më së shumti me kartonë të verdhë për protesta (7) gjatë këtij edicioni të Serisë A.
- Sulmuesi Çiro Imobile, të vetmem tripletë në “Olimpico” e ka shënuar pikërisht ndaj Milanit në shtatorin e kaluar, kur sfida përfundonte 4-1 për vendësit. - Marko Parolo ka shënuar nga një gol në dy ndeshjet e fundit me fanellën e Lacios. Mesfushori nuk ka shënuar kurrë më parë në karrierë në tri takime radhazi.
- Hezus Suso ka marrë pjesë në vetëm një nga pesë golat e fundit që Milani i ka shënuar Lacios. Ndaj asnjë skuadre të përballuar të paktën pesë herë, spanjolli nuk ka bërë me keq se kaq.