Gol në frymën e fundit, Barça i falet “rebelit”

Dembele barazon në limit, por mund të buzëqeshë Sevija

Barazimi në "Kamp Nou" në 17 majin e vitit 2014 e ndihmoi Atletikon për të fituar La Ligën. Nuk është e thënë që pas barazimit të djeshëm përfundimi të jetë i njëjti. Ajo që është e sigurt është se në shtëpi rikthehet me një buzëqeshje të madhe... Sevija. Po, sepse Atletiko e Madridit dhe Barcelona nuk i bëjnë keq njëratjetrës dhe e mbyllin ndeshjen e rëndësishme të kampionatit spanjoll me rezultatin 1- 1. Dueli për kreun e klasifikimit përfundon në paqe dhe lufta për titullin do të vazhdojë gjatë në La Liga. Mungesat e shumta të të dyja skuadrave ndikuan shumë në lojë. Ritmi ishte i lartë, por jo ndonjë spektakël i jashtëzakonshëm. Pjesa e parë u mbyll me porta të paprekura dhe Obkal me Ter Shtegenin e arritën qëllimin për të mos pësuar. Por, gjithçka ndodhi në pjesën e dytë. Diego Kosta zhbllokohet në kampionat pas 18 ndeshjesh dhe u mendua se do të ishte goli i fitores për "Los Kolçoneros". Ky gol në fakt shërbeu thjesht për të iluzionuar Simeonen, i cili shpresonte të arrinte fitoren e parë ndaj katalanasve në kampionat.

GOLI I REBELIT- Por, për të vendosur shifrat përfundimtare të ndeshjes mendoi Osman Dembele. I "falur" nga trajneri Valverde pas problematikave të shumta të kësaj jave, ai shënon një gol me peshë dhe shumë vendimtar. Të gjithë kanë folur për të, për sjelljet jashtë fushe, vonesat në stërvitje, varësinë nga video-lojërat dhe mundësinë reale për t'u larguar nga katalanasit. Por, ai u shfaq në frymën e fundit dhe shënoi golin e barazimit të ndeshjes. Rebeli Dembele shpëtoi nderin e Barcelonës dhe e mban për momentin në krye të klasifikimit me diferencë të njëjtë nga ndjekësit. Por, kujdes. Sevija luan sot dhe Andre Silva me shokë ka shansin e artë që të marrë kreun e klasifikimit dhe ta bëjë akoma më të bukur kampionatin. Por, nga ky barazim mund të gjejë pak buzëqeshje edhe Reali, kundërshtarët e të cilit nuk u shkëputën dhe e mbajtën në lojë për titullin kampion në La Liga.

"Ata e kishin planifikuar në këtë mënyrë ndeshjen, duke qëndruar në mbrojtje dhe duke na kapur në