Sarri Inter, ja si ndalet Totenhemi
"Kujdes ' e para". Spaleti kishte edhe "spiunë" në Londër
"Duhen bllokuar në 30 minutat e para". Sot stërvit Çelsin, por mbetet italian. Mauricio Sarri i ka dhënë disa këshilla Interit nga mikrofonat e "Sky Sport Italia" në prag të ndeshjes së zikaltërve në Champions kundër Totenhemit. Ish-trajneri i Napolit pësoi humbjen e parë në kampionat të shtunën në "Wembley" (3-1: gola të Kejn, Ali e Son; Zhiru për Çelsin) kundër "Spërsave". Ishte vetëm rezultati i parë negativ në 13 ndeshje për trajnerin toskan në stolin e bluve dhe ndoshta këtu ka lindur ideja e Sarrit për të "spiunuar" rivalinw
E PARA - Interi do të luajë në impiantin londinez mbrëmjen e së mërkurës (ora 21:00) në ndeshjen e pestë të fazës së grupeve. Ja situata deri tani në Grupin B: Barcelona kryeson me 10 pikë, e ndjekur nga Interi me 7, Totenhemi 4 pikë dhe PSV 1 pikë: pra, një humbje e zikaltërve do e linte ende të hapur çështjen e kualifikimit. "Është e rëndësishme që Interi t'i bllokojë në 30 minutat e para, - vijoi Sarri, - pasi është faza kur ata janë më të rrezikshëm. Gjithashtu, zikaltrit duhet të shmangin humbjen e topit në gjysmëfushën e tyre, sepse kur vjen puna te kundërsulmet, Totenhemi është një nga skuadrat më efektive në Europë". Për më tepër të dyja skuadrat i drejtohen sfidës pasi në fundjavë fituan secila me tre gola të shënuar: 3-1, pra, Totenhemi; 3-0 Interi në "San Siro" kundër Frozinones ( por edhe PSV: 3- 0 kundër Herenven). Keita u pa në versionin "goleador" (dopietë për senegalezin), Lautaro shënoi sërish ( goli i dytë në katër prezenca) dhe Politano mrekulloi tifozët dhe trajnerin Spaleti. Perisiç, Vesino e Ikardi (për kapitenin vetëm 15'
lojë) mundën të pushojnë pas angazhimeve me kombëtaret respektive përpara një cikli vërtet të tmerrshëm: pas Totenhemit, vijnë përballjet me Romën e Juven...
"SPIUNË" NË LONDËR - Një ndeshje, pra, thelbësore, ajo kundër "Spërsave": një pikë do u garantonte
zikaltërve kualifikimi në 18at e kompeticionit. Ndaj, Luçiano Spaleti nuk ka dashur t'i lërë asgjë rastësisë (pavarësisht "ideve" të marra nga Sarri): sipas një raportimi të bërë dje nga e përditshmja "Gazzetta dello Sport", trajneri interist ka dërguar dy asistentët e tij teknikë Daniele Baldini e Alesandro Pane në "W embley" për të ndjekur sfidën e fituar në fund nga Totenhemi kundër Çelsit, të cilët, duke u bazuar te rezultati, nuk do kenë pasur fytyra të lumtura gjatë raportimit. Interi është i paralajmëruar: në Londër, veçanërisht mbrojtja, nuk do ketë punë të lehtë.