inalja sht het sërish, o a ër oi fitoren në tavolinë
esër do të merret vendimi nga d presidentët
Finalja e Kupës Libertadores nuk duket se ka ndërmend të luhet. Pas skenave të dhunshme të së shtunës, "CONMEBOL" (Konfederata e Amerikës së Jugut), ka nënvizuar dje se sfida do të shtyhej sërish për një datë të pacaktuar, ndonëse ishte parashikuar të luhej dje në orën 21:00 (shqiptare): "ndeshja është shtyrë, sepse nuk ka një barazi për sa u përket kushteve të skuadrave", u shpreh Alehandro Dominguez, presidenti i "CONMEBOL"-it. Në orët e kaluara, Boka Junjors kishte përhapur një komunikatë zyrtare, në të cilën theksonte se nuk kishte ndërmend që të zbriste në fushë, të firmosur nga futbollistët dhe stafi teknik i skuadrës, duke iu referuar dhe mbështetur fort mbi diagnozat e stafit mjekësor të skuadrës dhe atij të spitalit në Buenos Aires, që analizoi gjendjen e disa prej futbollistëve që dolën me probleme, pas sulmit me gurë dhe gaz lotsjellës ndaj autobusit të tyre, përpara hyrjes në parkimin e stadiumit të River Plejtit, "Monumental". Artikulli 18 - Reklamimi i Bokas u pranua pjesërisht, por për këtë arsye u shty edhe për më vonë, pavarësisht një paracaktimi se ndeshja do të luhej vetëm 24 orë më vonë. Gjithsesi, finalja do të zhvillohet, ndonëse vetë Boka, duke parë me të gjithë terrorin që u përball, kishte kërkuar edhe fitoren në tavolinë të ndeshjes dhe rrjedhimisht edhe trofeun, duke iu apeluar artikullit 18 të "CONMEBOL"-it, sipas të cilit "nëse një klub nuk është i aftë që të organizojë në mënyrë paqësore një ndeshje, humb në tavolinë takimin". Por, duke qenë se edhe kërkesa për shtyrje është pranuar pjesërisht, edhe ky artikull nuk u pranua të zbatohej dhe Riveri ta humbte takimin në tavolinë. Në kërkesën e Bokas nënvizohej se kapiteni i skuadrës, Pablo Perez, falë sulmit të vuajtur, ka pësuar një humbje të qartë të shikimit, i shkaktuar nga një ulcera, që është provokuar nga sasia e madhe e gazit lotsjellës të thithur.
Ndoshta pas dy javësh? - Presidentët e Bokas dhe Riverit do të jenë sy më sy në Asunsion, të martën (nesër) në mëngjes për të vendosur bashkërisht edhe datën e mundshme të zhvillimit të finales së kthimit në "Monumental" (e para përfundoi në barazim 2- 2). Dhe sipas zërave të parë që vijnë nga Argjentina, data e mundshme ku mund të luhet mund të jetë 8 dhjetori.