Shiu “ngujon” Luftëtarin, stërvitje në pallatin e sportit

Mezani i qetë, asnjë mungesë ndaj Kukësit

Reshjet e dendura të shiut kanë pushtuar ditët e fundit qytetin e Gjirokastrës dhe kjo ka kushtëzuar jo pak përgatitjet e Luftëtarit. Nëse gjatë së hënës skuadra e përballoi motin e keq, duke kryer një seancë në fushën me bar artificial, dje ka qenë e pamundur të ndodhte, pasi shiu thuajse nuk ka pushuar gjatë gjithë ditës, me reshje që kanë pasur intensitet të lartë. Në këto kushte, duke parë që moti nuk po përmirësohej, stafi teknik i Luftëtarit vendosi që stërvitja e së martës të kryhej në pallatin e sportit, pikërisht në sallën e lojërave me dorë. Trajneri Gentian Mezani ka shfrytëzuar parketin për të stërvitur ekipin, në mënyrë që lojtarët të mbajnë ritmin. Skuadra ka punuar e ndarë në grupe, duke zhvilluar më tepër kuadrate dhe vrapime të shkurtra brenda hapësirës që të lejon Pallati i Sportit, që ndodhet pak metra larg stadiumit "Gjirokastra". Sot, duke shpresuar edhe te përmirësimi i motit, skuadra pritet të rikthehet në kompleksin "Fusha e Vjetër", që është me bar artificial. Në këtë periudhë, ekipi ka kryer përgatitje edhe në fushën me bar natyral, "Lefter Millo", që ndodhet në fshatin Dervician të Dropullit. Për ndeshjen e së shtunës që Luftëtari do të luajë kundër Çast nga stërvitja e djeshme e Luftëtarit

Kukësit, stafi teknik ka të gatshëm të gjithë lojtarët. Edhe mesfushori malazez, Balsa Radoviç, e ka kaluar plotësisht dëmtimin dhe pritet të aktivizohet ndaj Kukësit. Gjasat janë që në këtë takim të rikthehet si titullar Albano Aleksi, i cili ka rifituar formën pas dëmtimit në gju. Tomor Shehu