Kovaç bën paqe me rebelët Riberi e Roben
Roben ia dedikoi fitoren e thellë ndaj Benfikës kroatit
Goli i parë i Frank Riberisë në këtë sezon ishte një shpërblim i merituar për punën e madhe që francezi ka bërë, kjo sipas trajnerit bavarez Niko Kovaç, i cili veçoi francezin në lavdërimet e tij pas performancës së treguar në fitoren 5-1 të Bajernit ndaj Benfikës në ndeshjen e Champions-it.
Riberi shënoi golin e pestë të ndeshjes përpara se të zëvendësohej nga trajneri. Një gol që konfirmoi kualifikimin në 1/16-at finale të këtij kompeticioni. Trajneri Kovaç vlerësoi kontributin e 35-vjeçarit Riberi, në veçanti. "Ai, më në fund, u shpërblye për punën e tij", u tha Kovaç gazetarëve. "Frank punon shumë në fushë dhe i ndihmon shokët e tij në lojë. Ndaj Benfikës ai arriti edhe të shënojë, kështu që i meriton vlerësimet e mia maksimale". Nga ana tjetër, shpresat e Benfikës për të përparuar nga Grupi E u shuan përfundimisht, duke u mjaftuar vetëm me vendin e tretë që e çon skuadrën portugeze në vendin e tretë. Në një natë magjike ishte edhe për Arjen Roben dhe Robert Levandovski, që shënuan nga dy gola secili. Trajneri Niko Kovaç e përmblodhi performancën e të tijve ndaj skuadrës portugeze, duke thënë: "Gjithçka shkoi mirë për ne. Jemi mbrojtur mirë dhe kemi shfrytëzuar shanset tona në anën tjetër. Më në fund arritëm të mbajmë një nivel të
lartë të performancës gjatë 90 minutave të plota. Kjo mund të tingëllojë e çuditshme, por kur luajmë në Ligën e Kampionëve, ose në ndeshjet e mëdha të Bundesligës, mund të shihni se ekipi luan ndryshe. Kur luajmë kundër ekipeve pak më të vogla,
ndonjëherë nuk i shfrytëzojmë pikat e forta. Ne duhet të luajmë për 90 minuta, ashtu siç bëmë sonte(dje)", u shpreh Kovaç pas ndeshjes. Një sinjal i qartë ky i kroatit se skuadra tashmë është në rrugën e duhur dhe ashtu siç kishte paralajmëruar në
konferencën për shtyp, kthesa thuhet se ka nisur. PAQJA ME VETERANËT
Ajo që ra në sy pas ndeshjes ishte përshëndetja e trajnerit me lojtarët të ashtuquajtur problematikë në këto 12 javët e para të kampionatit. Në fillim ishte holandezi
Roben që u zëvendësua në minutën e 72-të dhe më pas Riberi në të 76-ën. Të dy i dhanë dorën trajnerit duke marrë edhe duartrokitjet e publikut, i cili pa një anë tjetër të lojës nga skuadra që vetëm tri ditë para kishte barazuar 3-3 në shtëpi me një
skuadre të ardhur nga Bundesliga 2. Deklarata e Roben pas ndeshjes ishte shpresëdhënëse: "Kovaç është njëri prej nesh dhe fitorja është edhe për të", u shpreh holandezi, i cili shënoi dy gola të rëndësishëm në fitoren 5-1 të bavarezëve.