Shtanga mbyll sezonin, Hysa i riu më i mirë
Presidenti Masllavica: Kujdes të veçantë për çështjen e dopingut
Shtanga ka nisur fes tën me të rinjtë, pikër isht Ditën e Flamurit, me kampionatin kombëtar për të rinjtë nën 20 vjeç. Një kampionat që u zhvillua dje në pallatin e sportit "Asllan Rusi" në Tiranë, ku merrnin pjesë 14 klube, nga të cilat vetëm 5 klube u përfaqësuan me femra. Gjithashtu, të pranishme ishin edhe dy skuadra nga Greqia e Bullgaria, gjë që bëri dhe shtimin e interesimit dhe rivalitetit. Një organizim i përkryer nga ana e presidentit të FSHP- së, Theodhor Masllavica, i cili ka inspektuar disa ditë më parë palestrat, ku stërviten të rinjtë, duke entuziazmuar së tepërmi edhe drejtuesit e klubeve, pasi u ka premtuar që do të ketë medalje dhe shpërblime për të gjithë fituesit. Ky kampionat tregoi se ka plot të rinj me talent që po stërviten fuqishëm për sukseset e tyre, por ekipi privat "Masglass" së bashku me klubet e Tiranës dhe Shtërmenit ishin klubet që morën më shumë medalje, ndërkohë dje u thyen plot 10 rekorde kombëtare. Për femra triumfoi skuadra e Tiranës, ndërkohë sportistja më e mirë femër u shpall Kleopatra Saliaj e Apolonisë. Pas këtij suksesi, Saliaj u shpreh: "Këtë arritje ua dedikoj dy trajnerëve të mi, Ilir Kafarani dhe Flamur Kafarani, të cilët më kanë mbështetur vazhdimisht", deklaroi 16-vjeçarja, e cila synon Botërorin që do të zhvillohet në Amerikë. Në
radhët e meshkujve si rang ekipor, triumfoi skuadra "Masglass", e cila la pas Shtërmenin dhe Teutën. Sportisti më i mirë nga meshkujt u shpall Rilind Hysa i "Masglass" që stërvitet nga trajneri Faik Nebia. Hysa me këtë rezultat siguroi edhe kualifikimin për në kampionatin botëror që do të zhvillohet vitin e ardhshëm. Pas mbarimit të kampionatit U- 20, gjatë muajit dhjetor do të zhvillohet dhe asambleja vjetore, ku do të analizohet dhe puna e vitit 2018. Në këtë asamble pritet që të bëhen propozimet për kryesinë ku do të ketë dhe
një pasqyrim të aktiviteteve, arritjeve dhe mangësive, por edhe një pasqyrë financiare të kësaj federate.
Flet presidenti Masllavica
Presidenti i Federatës Shqiptare të Peshëngritjes, Theodhor Masllavica e komentoi kështu eventin e djeshëm: "Zgjodhëm 28 nëntorin për ta organizuar këtë event me rastin e ditës së pavarësisë, që është edhe dita mbyllëse e aktiviteteve në federatën e peshëngritjes për vitin 2018. Do të jenë këta sportistë që do ta ngrenë flamurin kuqezi në të ardhmen, ashtu siç e ngritëm ne sot këtu dhe kjo ishte një tjetër arsye pse zgjodhëm ditën e sotme (djeshme). Në këtë aktivitet kemi një pjesëmarrje masive nga brezi i ri i shtangistëve, ku garojnë 81 sportistë djem e vajza. Kjo është diçka shumë pozitive, pasi të rinjtë po i rikthehen sërish sportit të peshëngritjes pas problemeve që ky sport ka pasur kohët e fundit". Më pas, Masllavica komenton edhe çështjen e shumë përfolur të dopingut: "Ne si federatë e kemi vlerësuar shumë seriozisht këtë problem ku kemi vendosur në bashkëpunim edhe me ministrinë për të kryer teste në çdo aktivitet kombëtar dhe ndërkombëtar. Çdo sportist që do të përfaqësojnë Shqipërinë në eventet ndërkombëtare, nuk do të marrë pjesë në asnjë garë pa iu nënshtruar fillimisht kontrolleve këtu, në mënyrë që ta parandalojmë që këtu këtë fenomen", deklaroi kreu i shtangës shqiptare.