Napoli tris Cërvenës, por 1/8-at shtyhen për në Anfield
Vendosin Hamshik dhe Mertens, Hysaj luan 45'
Nuk duhet humbur në "Anfield", ose të paktën me një gol diferencë, por duke shënuar, për të prerë biletën në 1/8-at. Një sipërmarrje e mundur për këtë Napoli që Liverpulin (e mposhtur nga PSG) e mundi në ndeshjen e vajtjes. Italianët duhet të bëjnë një qasje si në ndeshjen kundër Cërvena Zvezdës, me cinizëm dhe zhdërvjelltësi. Sigurisht, sepse serbët konfirmuan se nuk kanë shumë cilësi në transfertë, por skuadra e Ançelotit e sulmoi ndeshjen sikurse ua kishte kërkuar trajneri (i cili na riprezantoi edhe një herë lëvizjen Maksimoviç në vend të Hysajt, e cila funksionoi kundër Liverpulit. Mbrojtësi kuqezi luajti në pjesën e dytë dhe u vlerësua me notën 6). SHUMË E LEHTË - Mbrojtësi i djathtë serb kundër serbëve, të rreshtuar me sistemin e tyre ultrambrojtës dhe vetëm Marinin që provonte të gatuante lojën. Nis sipas pritshmërive ndeshja, me Napolin që hidhet në sulm dhe kërkon menjëherë avantazhin. Dhe në minutën e 11-të, e shohin veten përpara: devijim i lehtë i Maksimoviçit nga goditja e këndit e Mertensit dhe fare i thjesht goli i kapitenit Hamshik (i pari sezonal). Një gol i rëndësishëm për të dhe për Napolin. Cërvenës i duhet të riorganizohet, vuan, por nga një përgjumje e mbrojtjes italiane Simiç i fut drithërimat Ospinës me një të djathtë. Me fat Ançeloti dhe Kulibali në një ditë fantastike, i cili ishte edhe sulmuesi i shtuar i skuadrës në fazën e kundërsulmit. Nga këmbët e tij lind edhe aksioni që sjell golin e dytë: fantastike lëvizja e Ruiz në të majtë me topin filtrues, krosim i devijuar që i vjen mirë Mertensit, i cili lëshon goditjen fatale. Gjithçka shumë e lehtë për Napolin që në këtë pikë nis të interesohet për atë që po ndodh në Paris.
"FAKE NEWS" - Pjesa e dytë u
shndërrua vetëm në një pritje të gjatë, në kuptimin që pas golit të tretë të Mertensit (e djathtë poshtë traversës nga një pozicion qendror), publiku i "San Paolos" hapi telefonat për të mësuar se çfarë po ndodhte mes PSG-së dhe Liverpulit. Shpërqendrimi kushtoi golin e Ben pas asistit të Marin dhe mungesës së vëmendjes së Mario
Ruit. Një zgjim që shërbeu për Napolin që të hynte psikologjikisht në ndeshje dhe menaxhonte topin, pavarësisht ndonjë gabimi teknik të tepërt. Defekte të vogla për t'u mësuar, edhe duke qenë se në "Anfield" do të luhet kualifikimi, sepse gjëmimi i "San Paolo"-s për barazimin e mundshëm të Liverpulit në Paris rezultoi një lajm i rremë.