Dyrmishaj pranë Olimpiakosit, Çelsi “prenoton” Hysajn
Shqiptari, në miqësore me ushtarët holandezë
Fiorin Durmishaj merr shumë superla tiva në Greqi. Sulmuesi i Kombëtares shqiptare ka mbushur titujt e mediave greke për hapin e madh të karrierës që është duke hedhur. "Durmishaj drejt Olimpiakosit", kështu hapeshin mediat kryesore greke. Mirëpo, së fundmi, ai është bashkuar edhe me skuadrën e ushtrisë greke në një ndeshje miqësore me homologët holandezë. TRANSFERIMI Olimpiakos është duke përgatitur rinovimet e skuadrës. Teksa ka bërë gati emrat që do t'i rrëmbejë që në muajin janar në skuadër, ka hedhur piketimet edhe për merkaton e verës. Mediat kryesore sportive në Greqi kanë bërë me dije se drejtuesit e Olimpiakosit, përveçse kanë nisur bisedimet zyrtare me klubin e Panionisit, drejtuesit e skuadrës së Pireut kanë kontaktuar edhe me vetë sulmuesin shqiptar dhe agjentin e tij. Sipas mediave greke, bëhet fjalë për një akord paraprak mes të gjitha palëve. Nga sa bëhet me dije, bomberi kuqezi shihet si një nga elementët e së ardhmes për Olimpiakosin, i cili do jo vetëm të shpërthejë me të, por më tej të sjellë edhe shumë të ardhura në rast shitjeje në të ardhmen. Bomberi ka fituar shumë vëmendje me paraqitjet e tij të deritanishme në Greqi, teksa në 12 ndeshje ka shënuar katër gola në kampionat dhe është bërë shpeshherë protagonist pozitiv me asiste në gola të rëndësishëm
për ekipin. USHTRIA
Shërbimi ushtarak është ende i detyrueshëm në Greqi për shtetasit që zotërojnë pasaportën helene dhe që jetojnë në territorin e shtetit grek. Një prej atyre që duhet ta kryejë këtë shërbim është edhe sulmuesi i Kombëtares shqiptare të futbollit,
Fiorin Durmishaj. Ky i fundit, i cili në fundjavë shënoi një gol të bukur me ekipin e tij, dy ditë më parë është bërë pjesë e një takimi miqësor mes ushtrisë helene dhe asaj holandeze. Shqiptari është futur si zëvendësues në minutën e 55të në një takim që ka përfunduar 2-0 në favor të ushtarëve
helenë. Për shkak të shërbimit ushtarak, Durmishaj nuk iu bashkua thirrjes nga Kristian Panuçi në grumbullimin e fundit të Kombëtares, për takimet kundër Skocisë dhe Uellsit, pasi nuk mund të dilte nga territori i shtetit grek pa një leje speciale të dhënë nga Ministria e Mbrojtjes.