Juventus-Inter, Ronaldo Ronaldo dhe dhe Ikardi Ikardi ndezin Italinë Italinë
“Interi s’do dorëzohet, por më intereson Champions-i”
Çfarë mund të jetë më e bukur si dhuratë ditëlindjeje sesa të mundësh rivalët e përjetshëm, t’i dërgosh - 14 pikë dhe ndoshta t’i eliminosh përfundimisht nga gara për titull? Dje, presidenti bardhezi, Andrea Anjeli, festoi 43-vjetorin, ndërsa sot Juventusi do të presë në “Allianz Stadium” Interin, por trajneri Masimiliano Alegri kërkon të provokojë përpara sfidës. “Interi sigurisht që është një skuadër e fortë dhe së bashku me Napolin do të mund të na shqetësojnë deri në fund për titullin, pasi sido që të tregojë në fund rezultati, ai as nuk e hap dhe as nuk e mbyll kampionatin. Për mua dhe skuadrën time është më i rëndësishëm dueli i së mërkurës në Champions, kundër Jang Bojsave, sesa ndeshje me Interin. Në Europë duam që ta mbyllim të parët grupin, pasi kështu do të mund të kemi një short më të qetë për 1/8-at”.
Alegri, çfarë ndeshje prisni ndaj Interit?
Pres një mbrëmje të bukur sportive, futbolli, mes dy skuadrave që së bashku me Milanin kanë bërë historinë e futbollit. Pres një ndeshje shumë të rëndësishme për aspektin psikologjik, por në të njëjtën kohë edhe për aspektin tekniko-taktik.
Sipas jush, cila skuadër do të jetë më tepër nën presion?
Nuk mendoj se është çështje presioni, por di të them se përballë do të kemi një Inter që është rritur shumë në vetëbesim dhe rezultate.
Pyetje teknike: pas 14 javësh keni ende zero gola të shënuar me goditje dënimi. Mund ta na e shpjegoni arsyen?
Specialistë kemi mjaftueshëm, por shpresojmë që edhe këtë defekt ta korrigjojmë ndaj Interit. Në Firence patëm tri momente të rëndësishme, por duket qartë se duhet të nisim të korrigjojmë shënjestrën, sepse të paktën një në tri goditje dënimi duhet ta dërgojmë në rrjete.
Përveç juventinëve, të gjithë nesër (sot) do të bëjnë tifozllëk për Interin. Zhurma e famshme e armiqve ju lë indiferent apo ju stimulon?
Më lë indiferent, edhe për faktin që ne duhet të shohim vetëm në shtëpinë tonë dhe të vazhdojmë udhëtimin tonë me shumë qetësi. Deri në këtë moment, shifrat thonë se Juventusi po e vret kampionatin,
por në të vërtetë Juventusi nuk ka vrarë asgjë. Dhe kampionati nuk duhet vrarë, thjesht duhet fituar. Pastaj, është normale që të ketë, për shembull, tifozë të Napolit që të bëjnë tifozllëk për Interin, sepse u duhet për renditjen, por kjo thjesht nuk më intereson. Imagjinoni, kur nuk më intereson mua shumë rezultati ndaj Interit, sepse po mendoj mbi
të gjitha për të fituar me Jang Bojsin, nuk është se më intereson shumë zhurma e armiqve tanë, ndonëse ne do të zbresim në fushë për të fituar dhe për të dominuar, sigurisht...
Në një sfidë Juve- Inter, mes dy trajnerëve toskanë, njëri nga deti, tjetri nga fshati, cilat mund të jenë diferencat?
Diferenca është që unë, kur
zgjohem, shoh detin, ndërsa Spaleti sheh kodra dhe fusha.
Sot (dje) është ditëlindja e Andrea Anjelit. Çfarë presidenti është?
Është një person i prerë, që nuk ka frikë nga përgjegjësitë dhe nuk u trembet gjërave që për shumë të tjerë mund të duken të pamundura. Dhe nëse nuk ke këto cilësi, nuk ke se si të jesh presidenti i Juves.