Gjoka: Lojtarët luajnë të dëmtuar, fitorja s’mjafton për të na shpëtuar

Trajneri i Kamzës: Fitore shumë e rëndësishme

Ernest Gjoka ka siguruar fitoren e parë në drejtimin e Kamzës, teksa në dy ndeshjet e fundit ka arritur të dalë me katër pikë. Pas triumfit të djeshëm, në deklaratën për "Gol pas Goli" në "SuperSport" Gjoka komentoi vështirësitë e ekipit sidomos prej dëmtimeve:

Dy muaj pa fituar - "Është fitore shumë e rëndësishme! Fitorja të jep moral dhe përqendrim, u desh me patjetër. Tre lojtarë kryesorë u detyruan të dalin nga fusha të dëmtuar, pa harruar që Frashëri bëri sakrificë dhe ndenji në fushë për gati 60 minuta i dëmtuar". Besimi - "Kam besim te skuadra! Na duhet me patjetër të shikojmë gjendjen ku jemi, pasi gjendemi akoma shumë keq dhe kemi problem me dëmtimet. Futbollistët luajnë të parikuperuar mirë dhe dëmtohen sërish. Edhe tani, nuk po mendoj për fitoren sesa për faktin se çfarë do bëj në ndeshjen e ardhshme me gjithë këto dëmtime".

Qetësia - "Qetësia, marrëdhënia, bashkëpunimi bëjnë që ekipi të jetë i qetë. E vetmja armë kundër janë pikët. Të tjerat janë shumë mirë". Rënia në të dytën - "Ekipi u duk sikur ishte i lodhur nga dëmtimet e detyruara dhe spostimet prej zëvendësimeve. Në këto lloj ndeshjesh nuk na intereson bukuria, pasi e rëndësishme është që me çdolloj mënyre të arrinim qëllimin. Ky ishte

qëllimi, të merrnim 3 pikët". Zëvendësimet - "Që në momentin që u detyrova të rikthej Frashërin mbrojtës të majtë, skuadra u prish, pasi deri në atë moment ishim të balancuar. Megjithatë, nuk është se nuk e kërkuam golin e dytë, pasi kishim mundësi ta shënonim të dytin, por nuk patëm fat".

Qarri- Mziu - "Kjo është jashtë funksionit tim si trajner dhe nuk mund të përgjigjem. Uroj që gjërat të jenë mirë, por ato janë marrëdhënie private", deklaroi Ernest Gjoka.